భాజపా ఎంపీ రామ్​ స్వరూప్​ ఆత్మహత్య!

హిమాచల్ ప్రదేశ్​లోని మండీ ఎంపీ రామ్​ స్వరూప్​ శర్మ అనుమానాస్పద స్థితిలో మృతి చెందారు. దిల్లీలోని తన ఫ్లాట్లో ఆయన ఉరేసుకుని కనిపించినట్లు పోలీసులు తెలిపారు. ప్రాథమిక దర్యాప్తులో ఆయనది ఆత్మహత్యగా అనుమానిస్తున్నట్లు వెల్లడించారు.

భాజపా ఎంపీ రామ్​ స్వరూప్​ శర్మ (62) దిల్లీలోని ఆయన ఫ్లాట్​లో అనుమానాస్పద స్థితిలో మృతి చెందారు. హిమాచల్ ప్రదేశ్​లోని మండీ నుంచి ఆయన లోక్​సభకు ప్రాతినిధ్యం వహిస్తున్నారు.

వ్యక్తిగత సిబ్బంది ఇచ్చిన సమాచారంతో ఘటనాస్థలికి చేరుకున్న పోలీసులు.. ఆయన తన గదిలో ఉరేసుకున్నట్లు గుర్తించారు. ఆ గది లోపలి నుంచి గడియపెట్టి ఉన్నట్లు తెలిపారు. ప్రాథమికంగా ఆయనది ఆత్మహత్యగా అనుమానిస్తున్నట్లు పేర్కొన్నారు పోలీసులు. అయితే పోస్ట్​ మార్టం నివేదిక వచ్చిన తర్వాత ఆయన మృతిపై మరింత స్పష్టత వస్తుందని చెప్పారు.

ఇదీ చదవండి:కేసుల్లో పెరుగుదల.. ఒక్కరోజే 29వేల మందికి కరోనా