మావోయిస్టుల కంటే భాజపా చాలా ప్రమాదకరమైన పార్టీ అని బంగాల్ సీఎం, తృణమూల్ కాంగ్రెస్ అధినేత్రి, మమతా బెనర్జీ విమర్శించారు. ఎన్నికలొస్తేనే ఆ పార్టీకి ప్రజలు గుర్తుకొస్తారని ఎద్దేవా చేశారు.
ప్రజల్ని భాజపా తప్పుదోవ పట్టిస్తోందని పురూలియా జిల్లాలో నిర్వహించిన ఓ ర్యాలీలో విమర్శించారు మమత. లోక్సభ ఎన్నికల్లో జంగల్మహల్ ఆదివాసీలకు ఎన్నెన్నో హామీలు ఇచ్చిన కమలదళం... గెలిచాక వారిని పట్టించుకున్న పాపాన పోలేదని దుయ్యబట్టారు.
శాసనసభ ఎన్నికల ముందట తృణమూల్ కాంగ్రెస్ నుంచి భాజపాకు వలసలు పెరగటంపై దీదీ స్పందించారు.
ఎవరైనా భాజపాలో చేరడానికి వెళ్లాలనుకుంటే వెళ్లొచ్చు. అయితే భాజపా ముందు మేము ఎప్పటికీ తలవంచం.
-మమతా బెనర్జీ, బంగాల్ సీఎం
ఇదీ చూడండి: 'రాహుల్.. అబద్ధాలు ఎప్పుడు మానేస్తారు?'
