Last rites of CDS: దేశ రక్షణ కోసం జీవితాన్ని అర్పించి, సైన్యంలో సుదీర్ఘ సేవలందించిన భారత తొలి త్రిదళాధిపతి జనరల్ బిపిన్ రావత్కు ప్రజలు అంతిమ వీడ్కోలు పలికారు. దిల్లీలోని బార్ స్క్వేర్ శ్మశానవాటికలో.. బిపిన్ రావత్, మధులికా రావత్ అంత్యక్రియలు.. సైనిక లాంఛనాలతో శుక్రవారం సాయంత్రం జరిగాయి. రావత్కు గౌరవసూచికగా.. 17 తుపాకులతో వందనం చేసింది సైన్యం. కుటుంబసభ్యులు, దాదాపు 800మంది మిలిటరీ సిబ్బంది.. రావత్ దంపతులకు తుది వీడ్కోలు పలికారు.
అంతకుముందు.. శ్మశానవాటికలో రావత్ దంపతులకు కేంద్రమంత్రి రాజ్నాథ్ సింగ్, దిల్లీ ముఖ్యమంత్రి అరవింద్ కేజ్రీవాల్తో పాటు వివిధ దేశాల రక్షణశాఖ అధికారులు నివాళులర్పించారు.
అంతిమయాత్ర..
Bipin Rawat funeral procession:
శుక్రవారం ఉదయం ప్రజల సందర్శనార్థం.. రావత్ దంపతుల పార్థివ దేహాలను వారి ఇంట్లో ఉంచారు. కేంద్ర మంత్రులు, విపక్ష నేతలు, త్రివిధ దళాల సారథులు, కుటుంబసభ్యులు బిపిన్ రావత్, మధులికకు నివాళులర్పించారు.
ఆ తర్వాత.. వారి నివాసం నుంచి బార్ స్క్వేర్ శ్మాశనవాటిక వరకు రావత్ దంపతుల అంతిమయాత్ర సాగింది. దారిపొడవునా రావత్కు ప్రజలు సెల్యూట్ చేశారు. 'సూర్యుడు- చంద్రుడు ఉన్నంత కాలం రావత్జీ పేరు ఎవరూ మర్చిపోరు', 'భారత్ మాతాకీ జై' అంటూ ప్రజలు నినాదాలు చేశారు.
హెలికాప్టర్ ప్రమాదం..
తమిళనాడులో బుధవారం.. త్రిదళాధిపతి (సీడీఎస్) జనరల్ బిపిన్ రావత్ (63), ఆయన సతీమణి మధులిక సహా మొత్తం 14 మంది ప్రయాణిస్తున్న హెలికాప్టర్ నీలగిరి జిల్లా కూనూర్‌ సమీపంలో కూలిపోయింది. ఈ ప్రమాదంలో జనరల్ రావత్ దంపతులు సహా 13 మంది దుర్మరణం పాలయ్యారు. ప్రస్తుతం గ్రూప్ కెప్టెన్ వరుణ్ సింగ్ ఆసుపత్రిలో చికిత్స పొందుతున్నారు.
ఇదీ చూడండి:- బ్రిగేడియర్‌ లిద్దర్‌కు సైనిక లాంఛనాలతో అంత్యక్రియలు
