దేశ వ్యాప్తంగా సంచలనం సృష్టించిన దిల్లీ హిట్ అండ్ రన్ కేసు తరహ ఘటన మరోకటి జరిగింది. బిహార్లోని మోతిహరిలో ఒక వ్యక్తిని కారు ఢీకొట్టి.. ఆపై 8 కిలోమీటర్ల దూరం ఈడ్చుకెళ్లింది. ఈ ప్రమాదంలో ఆ వ్యక్తి మరణించాడు. ఈ ఘోర ప్రమాదం కొత్వా పోలీస్ స్టేషన్ పరిధిలోని 27 నంబర్ జాతీయ రహదారిపై జరిగింది.
పోలీసుల వివరాల ప్రకారం
మోతిహారి నివాసముంటున్న శంకర్ సైకిల్పై వెళుతున్నాడు. ఈ క్రమంలోనే గోపాల్గంజ్ వెళ్తున్న ఓ కారు అదుపుతప్పి వచ్చి సైకిల్ని ఢీకొట్టింది. దీంతో శంకర్ ఎగిరిపడి కారు కింద ఉన్న క్యారేజీలో ఇరుక్కుపోయాడు. దీంతో అతడిని కారు 8 కిలోమీటర్ల దూరం లాక్కెల్లింది. ఆ తర్వాత డ్రైవర్ సహా అందులో ఉన్న ప్రయాణికుడు ఇద్దరూ కొత్వాలోని కదమ్ చౌక్ ప్రాంతంలో కారును ఆపి అక్కడి నుంచి పారిపోయారు.
"సమాచారం అందగానే జాతీయ రహదారి పక్కన ఉన్న అన్ని పోలీస్ స్టేషన్లను అప్రమత్తం చేశాము. పిప్రకోఠి పోలీస్ స్టేషన్ అధికారులు ఘటనా స్థలానికి వెళ్లి కారును సీజ్ చేశారు. డ్రైవర్, కారులో ఉన్న ప్రయాణికులు పారిపోయారు. కారు రిజిస్ట్రేషన్ నంబర్ సహాయంతో యజమానిని కనుక్కుంటాం" అని కొత్వా పోలీస్ స్టేషన్ ఇన్‌ఛార్జ్ అనుజ్ కుమార్ తెలిపారు.
ఇవీ చదవండి:
