Bhima koregoan case: భీమా-కోరెగావ్ కేసులో నిందితురాలు, న్యాయవాది, సామాజిక కార్యకర్త సుధా భరద్వాజ్కు బాంబే హైకోర్టులో ఊరట లభించింది. సుదా భరద్వాజ్కు న్యాయస్థానం డీఫాల్ట్ బెయిల్ మంజూరు చేసింది. అయితే.. ఇదే కేసులో వరవరరావు, సుధీర్ ధావలే సహా 8 మంది నిందితుల డీఫాల్ట్ బెయిల్ అభ్యర్థనను న్యాయస్థానం తిరస్కరించింది.
Sudha bharadwaj bail: ఈ కేసులో నిందితులు పెట్టుకున్న బెయిల్ పిటిషన్పై జస్టిస్ ఎస్ఎస్ షిందే, జస్టిస్ ఎన్జే జామాద్లతో కూడిన ధర్మాసనం బుధవారం విచారణ జరిపింది. సుధా భరద్వాజ్ బెయిల్ పొందేందుకు అర్హురాలని తెలిపింది. బైకుల్లా మహిళా కారాగారంలో ఉన్న ఆమెను డిసెంబరు 8న ముంబయిలో ఎన్ఐఏ ప్రత్యేక న్యాయస్థానం ముందు హాజరు పరచాలని ధర్మాసనం ఆదేశించింది. ఆమె బెయిల్ షరతులు, విడుదల తేదీపై నిర్ణయం తీసుకోవాలని చెప్పింది.
భీమా-కొరేగావ్ కేసులో అరెస్టైన 16 మంది నిందితుల్లో డీఫాల్ట్ బెయిల్ పొందిన వారిలో సుధా భరద్వాజ్ తొలి వ్యక్తి. కవి, సామాజిక కార్యకర్త వరవరరావు ప్రస్తుతం మెడికల్ బెయిల్లో ఉన్నారు. మరో నిందితుడు హక్కుల నేత స్టాన్ స్వామి మెడికల్ బెయిల్ కోసం ఎదురుచూస్తున్న క్రమంలో అనారోగ్యంతో ప్రైవేట్ ఆస్పత్రిలో చికిత్స పొందుతూ జులై 5న మరణించారు. మిగతా వాళ్లంతా ప్రస్తుతం విచారణ ఖైదీలుగా కస్టడీలో ఉన్నారు.
ఇదీ చూడండి: భీమా-కోరెగావ్ కేసులో మరో 8 మందిపై ఛార్జిషీటు
ఇదీ చూడండి: స్టాన్ స్వామి మృతిపై రాష్ట్రపతికి విపక్షాల లేఖ
