బిహార్ ఎన్నికల ప్రచారాల్లో ఆర్జేడీ యువనేత, మహాకూటమి సీఎం అభ్యర్థి తేజస్వీ యాదవ్ దూసుకుపోయారు. మొత్తం 247 బహిరంగ సభలు నిర్వహించారు. అంటే రోజుకు సగటున 12 సభల్లో తన గళాన్ని వినిపించారు తేజస్వీ.
ఆర్జేడీ అధినేత లాలూ ప్రసాద్ యాదవ్ సేవలు కోల్పోయిన పార్టీకి అన్నీ తానై నిలిచారు తేజస్వీ. తీరిక లేకుండా ప్రచారాలు నిర్వహించి.. రాష్ట్ర యువతను ఆకర్షించే ప్రయత్నం చేశారు. మహాకూటమిని గెలిపించాలని ప్రజలను అభ్యర్థించారు.
మహాకూటమి తరఫున కాంగ్రెస్ నేత రాహుల్ గాంధీ 8సార్లు ప్రచారాలు నిర్వహించగా.. ఆ పార్టీ ప్రతినిధి రణ్దీప్ సుర్జేవాలా 20 ర్యాలీల్లో పాల్గొన్నారు.
ఇదీ చూడండి:- 'మోదీ ఓటింగ్ మిషన్లకు నేను భయపడను'
ఎన్డీఏ తరఫున...
తేజస్వీ తర్వాత.. 160కుపైగా సభల్లో పాల్గొని బిహార్ ముఖ్యమంత్రి నితీశ్ కుమార్ రెండో స్థానంలో నిలిచారు. వీటిల్లో ప్రధానమంత్రి నరేంద్ర మోదీతో కలిసి ఆరుసార్లు వేదికను పంచుకున్నారు నితీశ్. వీటితో పాటు వర్చువల్ సమావేశాలనూ నిర్వహించారు ముఖ్యమంత్రి.
బిహార్లో ప్రధాని మోదీ మొత్తం 8 ప్రచార కార్యక్రమాల్లో పాల్గొన్నారు. భాజపా జాతీయ అధ్యక్షుడు జేపీ నడ్డా 22 ఎన్నికల ర్యాలీలకు హాజరయ్యారు. వీటితో పాటు రోడ్షోలు, సమావేశాలు నిర్వహించారు.
ఉత్తరప్రదేశ్ ముఖ్యమంత్రితో 19 సభలను ఏర్పాటు చేయించింది ఎన్డీఏ. కేంద్ర మంత్రులు రాజ్నాథ్ సింగ్, స్మృతి ఇరానీ, అనురగ్ ఠాకుర్, ధర్మేంద్ర ప్రధాన్లు కూడా ఎన్నికల ప్రచారాల్లో పాలుపంచుకున్నారు.
243 అసెంబ్లీ స్థానాలున్న బిహార్లో మొత్తం మూడు దశలుగా ఎన్నికలు జరిగాయి. ఈ నెల 10న ఫలితాలు వెలువడనున్నాయి.
ఇదీ చూడండి:- రాజకీయాల నుంచి ముఖ్యమంత్రి రిటైర్!
