దేశంలో కరోనా విజృంభిస్తోంది. గడిచిన 24 గంటల్లో 23 మంది ప్రాణాలు కోల్పోయారు. కొత్తగా 1,007 మందికి కరోనా పాజిటివ్గా తేలినట్లు కేంద్ర ఆరోగ్య శాఖ వెల్లడించింది.
వెయ్యి కేసులు దాటిన రాష్ట్రాలు..
- మహారాష్ట్రలో కరోనా మహమ్మారి ప్రభావం అధికంగా ఉంది. ముంబయిలో కేసుల సంఖ్య 2వేలు దాటిన క్రమంలో రాష్ట్రవ్యాప్తంగా మొత్తం కేసుల సంఖ్య 3,205కు చేరింది. 194 మంది ప్రాణాలు కోల్పోయారు. 300 మంది కోలుకున్నారు.
- ఆ తర్వాతి స్థానంలో దిల్లీ నిలిచింది. హస్తినలో మొత్తం 1,640 కేసులు నమోదయ్యాయి. 38 మంది మరణించగా.. 51 మంది కోలుకున్నారు.
- తమిళనాడులో కరోనా కేసుల సంఖ్య 1,267కు చేరింది. 15 మృతిచెందారు. 180 మంది కోలుకున్నారు.
- రాజస్థాన్లో మొత్తం కేసులు 1,131కి చేరాయి. ముగ్గురు మరణించగా.. 164 మంది కోలుకుని డిశ్చార్జి అయ్యారు.
- మధ్యప్రదేశ్లో 1,120 మంది కరోనా బారిన పడ్డారు. 53 మంది మరణించారు. 64 మంది కోలుకున్నారు. ఉత్తర్ప్రదేశ్లో కరోనా కేసుల సంఖ్య 805కు చేరింది. దేశంలో తొలి కరోనా కేసు నమోదైన కేరళలో కేసుల సంఖ్య 395కు చేరింది.
ఇదీ చూడండి: కరోనా వేళ 'ఆయుష్‌' పెంచుకొనే మార్గాలివే..
