పార్లమెంటు శీతాకాల సమావేశాల తేదీలు ఖరారయినట్లు సమాచారం. నవంబరు 18న ప్రారంభమై డిసెంబరు 13 వరకు ఇవి కొనసాగే అవకాశం ఉంది. ఈ మేరకు పార్లమెంటరీ వ్యవహారాల మంత్రిత్వశాఖ లోక్‌సభ, రాజ్యసభ కార్యదర్శులకు షెడ్యూల్ పంపినట్లు అధికారిక వర్గాలు వెల్లడించాయి. ఈ సందర్భంగా పలు కీలక బిల్లులు చర్చకు వచ్చే అవకాశం ఉంది.
అలాగే పలు ఆర్డినెన్స్‌లు సభ ముందుకు రానున్నాయి. ఆర్థిక మందగమనం నేపథ్యంలో వృద్ధికి ఊతమిచ్చేలా కార్పొరేట్‌ పన్ను తగ్గిస్తూ తెచ్చిన ఆర్డినెన్స్‌తో పాటు ఈ-సిగరెట్లు నిషేధానికి సంబంధించిన అత్యవసరాదేశం బిల్లు రూపంలో వచ్చే అవకాశం ఉంది. గత రెండు సంవత్సరాల్లో శీతాకాల సమావేశాలు నవంబరు 21న ప్రారంభమై జనవరి తొలివారంలో ముగిశాయి.
ఇదీ చూడండి:హరియాణా దంగల్: 'ఫిర్ ఏక్ బార్ భాజపా సర్కార్'!
