పార్లమెంట్ వర్షాకాల సమావేశాల సమయం దగ్గరపడుతున్న నేపథ్యంలో కార్యక్రమాల నిర్వహణ ఏర్పాట్లపై వరుసగా రెండోరోజు సమీక్షించారు లోక్సభ స్పీకర్ ఓం బిర్లా. ఉభయ సభలకు చెందిన అధికారులు, ఆరోగ్య శాఖ, డీఆర్డీఓతో పాటు ఇతర విభాగాల అధికారులతో సమావేశమై చర్చించారు.
" ఆరోగ్య శాఖ మార్గదర్శకాల ప్రకారమే లోక్సభ, రాజ్యసభలో సీట్ల ఏర్పాటు ఉంటుంది. భౌతిక దూరం పాటించటం, పరిసరాలను శానిటైజ్ చేయటం, సీట్ల కేటాయింపు వంటి అంశాలపై చర్చించాం. సమావేశాలకు 72 గంటల ముందు కరోనా పరీక్షలు చేయించుకోవాలని ఎంపీలను కోరనున్నాం. కొవిడ్-19 పరీక్షా కేంద్రాలను పార్లమెంట్ ప్రాంగణంలోనే ఏర్పాటు చేయనున్నాం. "
- ఓం బిర్లా, లోక్సభ స్పీకర్.
పార్లమెంట్ వర్షాకాల సమావేశాలు సెప్టెంబర్ 14న ప్రారంభమై అక్టోబర్ 1న ముగియనున్నాయి. ఇందుకు సంబంధించిన ఏర్పాట్ల వివరాలను లోక్సభ ప్రధాన కార్యదర్శి స్నేహలత శ్రీవాస్తవ, రాజ్యసభ ప్రధాన కార్యదర్శి దేశ్ దీపక్ వర్మ.. ఓం బిర్లాకు నివేదించారు.
విడతల వారీగా..
కరోనా కారణంగా సభ్యుల సీట్ల మధ్య దూరం పెంచాలని ఇప్పటికే నిర్ణయించారు. ఈ నేపథ్యంలోనే గ్యాలరీల్లో కూడా సభ్యులకు సీట్లను ఏర్పాటు చేయనున్నారు. కొందరు సభ్యులకు రాజ్యసభలో సీట్లను కేటాయిస్తారు. రాజ్యసభ సభ్యులకు కూడా ఇవే నిబంధనలను అమలు చేయనున్నారు. అందుకోసం లోక్సభ, రాజ్యసభ సమావేశాలను విడతల వారీగా జరపాలని నిర్ణయించారు.
ఇదీ చూడండి: వర్షాకాల సమావేశాల ఏర్పాట్లపై స్పీకర్ సమీక్ష,
