రహదారిపై ఓటర్ల బైఠాయింపు... పోలీసుల లాఠీఛార్జీ

ఓటు వేయకుండా తమను గుర్తు తెలియని వ్యక్తులు అడ్డుకుంటున్నారంటూ ఆందోళనకు దిగారు పశ్చిమ్ బంగాల్​ ఇస్లామ్​పుర్​లోని చోప్రా ప్రాంత ఓటర్లు. జాతీయ రహదారిపై బైఠాయించారు. రంగంలోకి దిగిన భద్రతా దళ సిబ్బంది వారిపై లాఠీలు ఝుళిపించారు.

పశ్చిమ్​ బంగాల్​ ఇస్లామ్​పుర్​ డివిజన్​ పరిధిలోని చోప్రా పోలింగ్​ కేంద్రం వద్ద తీవ్ర ఉద్రిక్తత ఏర్పడింది. గుర్తు తెలియని వ్యక్తులు తమను ఓటు వేయకుండా అడ్డుకుంటున్నారని స్థానికులు ఆగ్రహించారు. జాతీయ రహదారి-34పై బైఠాయించారు. వాహనాల రాకపోకలను అడ్డుకున్నారు.
రంగంలోకి దిగిన భద్రతా సిబ్బంది ఆందోళనకారులపై లాఠీఛార్జీ చేశారు. బాష్పవాయువు ప్రయోగించారు. స్థానికులను చెదరగొట్టారు. అల్లర్లు చెలరేగకుండా వీధుల్లో పటిష్ట భద్రత ఏర్పాటు చేశారు.