టిక్ టాక్లో ప్రాచుర్యం పొందేందుకు దిల్లీకి చెందిన ఓ యువకుడు అత్యుత్సాహం ప్రదర్శించాడు. ఏకంగా పోలీసుల కారుపైనే ప్రమాదకర విన్యాసాలు చేశాడు. కదులుతున్న కారుపై ఒంటిపై చొక్కా లేకుండా పుష్అప్స్ చేసిన ఈ వీడియో సామాజిక మాధ్యమాల్లో వైరల్గా మారింది.
పోలీసుల నోటీసులు
పోలీసుల కారును ఓ నిర్మానుష్య ప్రాంతానికి తీసుకెళ్లిన యువకుడు... కారు కదులుతుండగానే పైకి ఎక్కి పుష్ అప్స్ చేశాడు. అది కాస్తా వీడియో తీసి టిక్టాక్లో పోస్ట్ చేశాడు. ఫలితంగా ఈ వ్యవహారం పోలీసుల దాకా చేరింది. ఈ ఘటనపై స్పందించిన అధికారులు వీడియోలో ఉన్న వ్యక్తి రక్షక భటుడు కాదని స్పష్టం చేశారు. ఆ కారును తాము ఓ ప్రైవేటు కాంట్రాక్టర్ నుంచి అద్దెకు తీసుకున్నామన్నారు. వీడియోలో ఉన్న వ్యక్తి ఆ కాంట్రాక్టర్ స్నేహితుడని... అందుకే అతనికి నోటీసులు ఇచ్చినట్లు తెలిపారు. నియమాలు ఉల్లంఘించినందుకు చట్టపరమైన చర్యలు తీసుకుంటామని ప్రకటించారు. ఈ వీడియో కూడా తాజాగా తీసింది కాదని... గతంలో ఎప్పుడో తీశారని సీనియర్ పోలీసు అధికారి ఒకరు స్పష్టం చేశారు.
ఇదీ చూడండి : హరియాణా కాంగ్రెస్ అధికార ప్రతినిధి కాల్చివేత
