బంగాల్​లో భాజపా ఆందోళనలు హింసాయుతం

భాజపా-పోలీసుల మధ్య జరిగిన ఘర్షణలతో బంగాల్​ దద్దరిల్లింది. తమ కార్యకర్తల మరణాలకు వ్యతిరేకంగా భాజపా చేపట్టిన 'నవన్నా చలో' యాత్రను పోలీసులు అడ్డుకోగా.. పరిస్థితులు చెయ్యిదాటాయి. దీంతో నిరసనకారులపై బాష్పవాయువు, జలఫిరంగులను ప్రయోగించారు పోలీసులు. లాఠీఛార్జ్​ కూడా చేశారు. దీంతో అనేకమంది ఆందోళనకారులు గాయపడ్డారు. పోలీసుల తీరును భాజపా అగ్రనేతలు తప్పుబట్టారు. రాష్ట్రంలో న్యాయవ్యవస్థను మమతా బెనర్జీ ప్రభుత్వం నాశనం చేసిందని మండిపడ్డారు.

బంగాల్​లో భాజపా కార్యకర్తల మరణాలను నిరసిస్తూ ఆ పార్టీ చేపట్టిన 'నవన్నా చలో' యాత్ర హింసాత్మకంగా మారింది. రాజధాని కోల్​కతా సహా హావ్​డాలోని అనేక ప్రాంతాల్లో పోలీసులు- ఆందోళనకారుల మధ్య ఘర్షణ చెలరేగింది. దీంతో ఆయా ప్రాంతాలు యుద్ధ భూములను తలపించాయి. పోలీసులపై రాళ్లు రువ్విన నిరసనకారులు... టైర్లకు నిప్పంటించి రోడ్లను దిగ్బంధించారు.

భాజపా యువ మోర్చా ఈ 'నవన్నా చలో' యాత్రకు పిలుపునిచ్చింది. రాష్ట్ర సచివాలయం నవన్నాను ముట్టడించేందుకు భారీ ఎత్తున నిరసనకారులు బయలుదేరారు. ఈ క్రమంలోనే పోలీసులు ఏర్పాటు చేసిన బారికేడ్లను ధ్వంసం చేశారు.

• #WATCH Howrah: BJP workers try to break police barricade put in place to stop the Party's 'Nabanna Chalo' agitation against the alleged killing of party workers in the state; police use tear gas to bring the situation under control.#WestBengal pic.twitter.com/ChQdi0NYXj

  — ANI (@ANI) October 8, 2020 " class="align-text-top noRightClick twitterSection" data="

  #WATCH Howrah: BJP workers try to break police barricade put in place to stop the Party's 'Nabanna Chalo' agitation against the alleged killing of party workers in the state; police use tear gas to bring the situation under control.#WestBengal pic.twitter.com/ChQdi0NYXj

  — ANI (@ANI) October 8, 2020

  ">

  #WATCH Howrah: BJP workers try to break police barricade put in place to stop the Party's 'Nabanna Chalo' agitation against the alleged killing of party workers in the state; police use tear gas to bring the situation under control.#WestBengal pic.twitter.com/ChQdi0NYXj

  — ANI (@ANI) October 8, 2020

పరిస్థితులను చక్కదిద్దేందుకు రంగంలోకి దిగిన పోలీసులు.. నిరసనకారులపై విరుచుకుపడ్డారు. ఆందోళనకారులపై బాష్పవాయువును ప్రయోగించారు. ఈ ఘటనలో భాజపా సీనియర్​ నేతలతో పాటు అనేకమంది గాయపడ్డారు. మరోవైపు కోల్​కతాలో 89మందిని, హవ్​డాలో 24మందిని పోలీసులు అదుపులోకి తీసుకున్నారు. పలువురు పోలీసులు కూడా గాయపడినట్టు బంగాల్​ ముఖ్య కార్యదర్శి అలాపన్​ బంధోపధ్యాయ్​ వెల్లడించారు.

భయానక వాతావరణం...

హావ్​డా జిల్లాలో పరిస్థితులు భయానకంగా మారాయి. హావ్​డా మైదాన్​ నుంచి మధ్యాహ్నం 12:30 ప్రాంతంలో నిరసన ప్రారంభించారు భాజపా యువ మోర్చా అధ్యక్షుడు తేజస్వీ సూర్య. ర్యాలీలో రాష్ట్ర అధ్యక్షుడు సౌమిత్ర ఖాన్​ కూడా పాల్గొన్నారు. వారిని మల్లిక్​ గేట్​ వద్ద పోలీసులు అడ్డుకున్నారు. దీంతో భాజపా కార్యకర్తలు- పోలీసుల మధ్య ఉద్రిక్త వాతావరణం నెలకొంది. పరిస్థితిని అదుపుచేసే క్రమంలో జల ఫిరంగులను ప్రయోగించారు పోలీసులు.

అప్పటికీ పరిస్థితుల్లో మార్పు లేకపోవడం వల్ల ఆర్​ఏఎఫ్​(ర్యాపిడ్​ యాక్షన్​ ఫోర్స్​) రంగంలోకి దిగింది. లాఠీఛార్జ్​ చేసింది. ఈ ఘటనలో అనేకమంది నిరసనకారులు గాయపడ్డారు.

• #WATCH West Bengal: Police use water cannon & lathi-charge to disperse Bharatiya Janata Party (BJP) workers who are protesting at Howrah Bridge.
  
  BJP has launched a state-wide 'Nabanna Chalo' agitation march today to protest against the alleged killing of its party workers. pic.twitter.com/dpPoqT8DlG

  — ANI (@ANI) October 8, 2020 " class="align-text-top noRightClick twitterSection" data="

  #WATCH West Bengal: Police use water cannon & lathi-charge to disperse Bharatiya Janata Party (BJP) workers who are protesting at Howrah Bridge.
  
  BJP has launched a state-wide 'Nabanna Chalo' agitation march today to protest against the alleged killing of its party workers. pic.twitter.com/dpPoqT8DlG

  — ANI (@ANI) October 8, 2020

  ">

  #WATCH West Bengal: Police use water cannon & lathi-charge to disperse Bharatiya Janata Party (BJP) workers who are protesting at Howrah Bridge.
  
  BJP has launched a state-wide 'Nabanna Chalo' agitation march today to protest against the alleged killing of its party workers. pic.twitter.com/dpPoqT8DlG

  — ANI (@ANI) October 8, 2020

అయితే ఆందోళనకారుల తీరును పోలీసులు తప్పుబట్టారు. తమపై పెట్రోల్​ బాంబులతో దాడి చేసినట్టు ఆరోపించారు. ఓ ఆందోళనకారుడి నుంచి లోడ్​ చేసి ఉన్న తుపాకీని స్వాధీనం చేసుకున్నట్టు వెల్లడించారు.

'ఇది ఓ చీకటి రోజు...'

తమ కార్యకర్తలపై పోలీసుల దాడిని తేజస్వీ సూర్య ఖండించారు.

"ఇది ఓ చీకటి రోజు. న్యాయవ్యవస్థను తృణమూల్​ కాంగ్రెస్​ ప్రభుత్వం నాశనం చేసింది. మా కార్యకర్తలను పోలీసులు విచక్షణారహితంగా కొట్టారు. ఇది ఊహించని పరిణామం. రాష్ట్రంలో శాంతియుతంగా నిరసనలు చేపట్టే హక్కు మాకు లేదా?"

--- తేజస్వీ సూర్య, భాజపా యువ మోర్చా అధ్యక్షుడు

'బంగాల్​లో ప్రజాస్వామ్యం లేదు'

భాజపా శ్రేణులపై జరిగిన దాడిని ట్విట్టర్​ వేదికగా ఖండించారు ఆ పార్టీ జాతీయ అధ్యక్షుడు జేపీ నడ్డా. రాష్ట్రంలో ప్రజాస్వామ్యం లేదని, ప్రజల నమ్మకాన్ని ముఖ్యమంత్రి మమత బెనర్జీ కోల్పోయారని ఆరోపించారు. తను అడ్డుకొనేందుకు ఎన్ని ప్రయత్నాలు చేసినా... రాష్ట్ర వైభవాన్ని తిరిగి తీసుకొచ్చేందుకు తమ పోరు కొనసాగుతుందన్నారు.

ఇదీ చూడండి:- నక్సలైట్ల మధ్య అంతర్యుద్ధం- ఆరుగురు మృతి