రాజ్యసభ టీవీ యూట్యూబ్లో 40 లక్షలకు పైగా సబ్‌స్క్రిప్షన్స్‌ సాధించిన సందర్భంగా ఛానెల్ సిబ్బందిని ఉపరాష్ట్రపతి వెంకయ్యనాయుడు అభినందించారు. 2017 ఆగస్ట్లో 4.5 లక్షలుగా ఉన్న ఛానెల్ యూట్యూబ్ సబ్స్క్రిప్షన్ల సంఖ్య.. రెండున్నరేళ్లలోనే విశేష ప్రజాదరణ పొందిందని వరుస ట్వీట్లలో ప్రశంసించారు. వీక్షకులకు సమాచార విద్యా వేదికగా ఆర్ఎస్ టీవీ మారిందని కొనియాడారు. 2011లో ప్రారంభమైన రాజ్యసభ టీవీ.... రాజ్యసభ కార్యకలాపాల ప్రత్యక్ష ప్రసారంతో పాటు.. పార్లమెంటరీ వ్యవహారాలు, వర్తమాన వ్యవహారాల గురించి విశ్లేషణ చేస్తోంది.
ఇదీ చూడండి : ఈ నెల 17న నింగిలోకి జీశాట్‌-30: శివన్
