వచ్చే నెలలో ప్రారంభంకానున్న పార్లమెంటు వర్షాకాల సమావేశాల నేపథ్యంలో రాజ్యసభలో చేపట్టిన ఏర్పాట్లను ఛైర్మన్ వెంకయ్యనాయుడు గురువారం ప్రత్యక్షంగా పరిశీలించారు. కొవిడ్ నేపథ్యంలో భౌతిక దూరం నిబంధనల మేరకు సభ్యులు రాజ్యసభ, లోక్సభలోని 4 గ్యాలరీలతో పాటు రెండు సభల్లోని ఛాంబర్లలో కూర్చోనున్నారు. సమావేశాల ఏర్పాట్లపై నిర్వహించిన మాక్ డ్రిల్ను ఉపరాష్ట్రపతి 45 నిమిషాల పాటు పరీక్షించి సంతృప్తి వ్యక్తం చేశారు. ఉభయసభల్లో ఏర్పాటు చేసిన టీవీ స్క్రీన్లు, సమాంతర అనువాదం, మైకులు తదితర ఉపకరణాల పనితీరును గమనించారు.
రెండు సభల మధ్య రియల్టైమ్లో ఆడియో, వీడియో సిగ్నల్స్ ప్రసారానికి వీలుగా ప్రత్యేక ఆప్టికల్పై కాలు చేసేటప్పుడు భౌతిక దూరం పాటించేందుకు వీలుగా వెంకయ్యనాయుడు ఆదేశాల మేరకు ఆరు వేర్వేరు కౌంటర్లు ఏర్పాటు చేశారు. కాగా, కొవిడ్-19 మహమ్మారి నేపథ్యంలో పార్లమెంటు వర్షాకాల సమావేశాల్లో భౌతిక ఎడం నిబంధనల అమలుకు అధిక ప్రాధాన్యం ఇవ్వనున్నట్లు లోక్సభ స్పీకర్ ఓం బిర్లా గురువారం ట్వీట్ చేశారు.
