దిల్లీ 'సఫ్​దార్​జంగ్​ ఆసుపత్రి'కి ఉన్నావ్​ బాధితురాలు

ప్రాణాపాయస్థితిలో ఉన్న ఉన్నావ్​ బాధితురాలిని లఖ్​నవూ నుంచి దిల్లీకి తరలించారు అధికారులు. 90 శాతం శరీరం కాలినందున మెరుగైన వైద్యం అందించేందుకు లఖ్​నవూ నుంచి దేశ రాజధానికి వాయు మార్గంలో తీసుకెళ్లారు. దిల్లీలోని సఫ్​దార్​జంగ్​ ఆస్పత్రిలో వైద్యం అందిస్తున్నారు.

దాడికి గురై.. 90 శాతం కాలిన శరీరంతో మృత్యువుతో పోరాడుతున్న ఉన్నావ్​ అత్యాచార బాధితురాలని మెరుగైన వైద్యం కోసం లఖ్​నవూ నుంచి దిల్లీకి తరలించారు అధికారులు. ప్రస్తుతం దేశ రాజధానిలోని సఫ్​దార్​జంగ్​ ఆస్పత్రిలో వైద్యం అందిస్తున్నారు.

లఖ్​నవూ ఆస్పత్రి నుంచి విమానాశ్రయానికి తరలించే క్రమంలో ఎలాంటి ఇబ్బందులు తలెత్తకుండా ముందస్తు జాగ్రత్తలు తీసుకున్నారు అధికారులు. ఎక్కడా ట్రాఫిక్​ సమస్యలు తలెత్తకుండా చర్యలు చేపట్టారు. క్షణాల వ్యవధిలోనే విమానాశ్రయానికి తరలించారు.

ఇదీ జరిగింది...

తమపై కేసు పెట్టిందనే కోపంతో ఉన్నావ్​ అత్యాచార బాధితురాలికి ఐదుగురు దుండగులు గురువారం ఉదయం నిప్పుపెట్టారు. బాధితురాలు.. విచారణ నిమిత్తం కోర్టుకు వెళుతుండగా బిహార్​ ప్రాంతంలోని సింధుపుర్​లో ఈ దాడి జరిగింది. 90 శాతం కాలిన గాయాలతో బాధితురాలు మృత్యువుతో పోరాడుతోంది.

ఇదీ చూడండి: మారని మృగాళ్లు : ఉన్నావ్​ బాధితురాలికి నిప్పు.. పరిస్థితి విషమం