గేదె క్షేమం కోసం దూడకు గుండు కొట్టారు!

గేదె దూడ తలనీలాలు సమర్పించే వేడుకను ఘనంగా నిర్వహించాడు ఉత్తర్​ప్రదేశ్​కు చెందిన ఓ రైతు. ఈ కార్యక్రమంలో ఏర్పాటు చేసిన విందు ఆరగించేందుకు ఇరుగుపొరుగు గ్రామాల నుంచి దాదాపు 300మంది విచ్చేశారు.

పిల్లల తలనీలాలు దేవుడికి సమర్పించడం హిందూ సంప్రదాయం. ఒక్కసారైనా గుండు చేయించకపోతే, బాలల ఆరోగ్యం బాగుండదని కొందరి నమ్మకం. ఉత్తర్​ప్రదేశ్​ ఫతేనగర్​కు చెందిన ఓ రైతు కూడా ఈ సంప్రదాయాన్ని గౌరవిస్తాడు. పిల్లల విషయంలోనే కాదు... గేదెల విషయంలోనూ పాటిస్తాడు. అందుకే తన గేదె దూడ తలనీలాలను సమర్పించే కార్యక్రమాన్ని అంగరంగ వైభవంగా నిర్వహించాడు జయచంద్రసింగ్​. వినడానికి వింతగా ఉన్నా ఇది నమ్మకతప్పని నిజం.

ఖాగా తాలూకా, సరోళి గ్రామానికి చెందిన జయచంద్ర​.. ఏటా తన గేదెకు పుట్టిన దూడ జుట్టును కత్తిరించే 'భండార' వేడుకను నిర్వహిస్తున్నాడు. ఎరుపు రంగు ఓణి వేసిన దూడను బ్యాండు బాజాలతో ఊరంతా ఊరేగించి.. బంధు మిత్రుల సమక్షంలో దాని జుట్టు కత్తిరిస్తారు. ఆ సమయంలో మహిళలంతా జానపద పాటలు ఆలపిస్తారు.

అనంతరం విందు కార్యక్రమం జరుగుతుంది. ఈ సారి ఈ వేడుకలో పాల్గొనేందుకు చుట్టుపక్కల గ్రామాల నుంచి దాదాపు 300 మంది తరలివచ్చారు. గేదె ఆరోగ్యం బాగుండేందుకే ఇలా చేస్తున్నానని చెబుతున్నాడు చంద్రసింగ్​.

"ఇదివరకు నా గేదెకు సంతానం కలిగిన కొద్ది రోజులకే ఆ దూడలు మరణించేవి. అందుకే దూడల తలనీలాలు సమర్పించే వేడుక నిర్వహిస్తున్నా. అలా తలనీలాలు తీస్తున్నప్పటి నుంచి నా గేదె ఆరోగ్యం బాగుంది. దాని బిడ్డలు ఆరోగ్యంగా ఉంటున్నాయి. ఇప్పుడు పాలు కూడా అధికంగా ఇస్తోంది."

-జయచంద్రసింగ్, గేదె యజమాని

ఇదీ చదవండి:గుండె ఆగకముందే దానం చేసిన దేవుడు