'బీదర్'​ విమానాశ్రయం ప్రారంభం

కర్ణాటక ముఖ్యమంత్రి యడియూరప్ప ఇవాళ బీదర్ విమానాశ్రయాన్ని ప్రారంభించారు. ఈ ఎయిర్​పోర్ట్​ అందుబాటులోకి వచ్చినందున బెంగళూరు నుంచి బీదర్​కు గంటన్నర సమయంలో వెళ్లొచ్చని తెలిపారు.

కేంద్ర ప్రభుత్వం ప్రవేశపెట్టిన ఉడాన్​ ప్రాజెక్టులో భాగంగా బీదర్​ విమానాశ్రయాన్ని ప్రారంభించారు కర్ణాటక ముఖ్యమంత్రి యడియూరప్ప. బెంగళూరు విమానాశ్రయంలో కొవ్వొత్తి ద్వారా ప్రారంభించారు.

"బెంగళూరు నుంచి బీదరుకు రోడ్డు, రైలు మార్గాల ద్వారా చేరుకోవాలంటే సుమారు 14 గంటల సమయం పడుతుంది. కానీ ఈ విమాన సేవల ద్వారా కేవలం గంటన్నర సమయంలోనే చేరుకునే వీలు కలుగుతుంది. ఈ ఎయిర్​పోర్టును ప్రారంభించటం నాకు చాలా ఆనందంగా ఉంది."
-యడియూరప్ప కర్ణాటక ముఖ్యమంత్రి.

ఆ తర్వాత ముఖ్యమంత్రితో సహా మరో 71 మంది ప్రయాణికులు బెంగళూరు అంతర్జాతీయ విమానాశ్రయం నుంచి బీదర్​ విమానాశ్రయానికి బయలుదేరిన మొదటి ట్రూజెట్ విమానంలో ప్రయాణించారు.

ఇదీ చూడండి:ఐదు రోజుల భారత​ పర్యటనలో శ్రీలంక ప్రధాని