కశ్మీర్లోని నర్వాల్ బైపాస్ వద్ద పోలీసులు ఇద్దరు తీవ్రవాదుల్ని శుక్రవారం అరెస్టు చేశారు. తీవ్రవాదుల కదలికలపై వచ్చిన సమాచారం ఆధారంగా ప్రత్యేక చెక్ పాయింట్ ఏర్పాటు చేశామని.. ఈ క్రమంలోనే వారిని పట్టుకున్నామని తెలిపారు. నిందితులు చురాత్కి చెందిన రాయిస్ అహ్మద్ దర్, ఆష్ముజీకి చెందిన సుబ్జార్ అహ్మద్ షేక్గా గుర్తించారు.
"శుక్రవారం సాయంత్రం 5.30కి ప్రత్యేక బృందం ఆ ప్రాంతంలో తనిఖీలు నిర్వహించింది. కారులో వచ్చిన నిందితులు చెక్ పాయింట్ నుంచి తప్పించుకోవడానికి యత్నించారు. అప్రమత్తమైన ప్రత్యేక బృందం వారిని వెంబడించి పట్టుకుంది. వారి వద్ద నుంచి స్వాధీనం చేసుకున్న బ్యాగులో ఓ ఏకే రైఫెల్ , పిస్టోల్ సహా వాటి మ్యాగెజీన్లు లభ్యమైయ్యాయి."
-పోలీసులు
తీవ్రవాద కార్యకలాపాల్లో అనుభవం ఉన్న దర్పైన ఇప్పటికే నాలుగు కేసులు ఉన్నాయని పోలీసులు తెలిపారు. అతను ది రెసిస్టెన్స్ ఫోర్స్ (టీఆర్ఎఫ్)కు పనిచేస్తున్నట్లు ప్రాథమిక దర్యాప్తులో తేలిందని వెల్లడించారు. అతనితో పాటు వచ్చిన మరో వ్యక్తి గురించి కూడా దర్యాప్తు చేపడుతున్నామని తెలిపారు. టీఆర్ఎఫ్ పేరుతో కార్యకలాపాలు జరుపుతున్న ఈ సంస్థకు ఉగ్రవాద సంస్థ లష్కరే తోయిబాతో సంబంధాలు ఉన్నాయని సమాచారం.
ఇదీ చదవండి : హఫీజ్ సయీద్కు మరో భారీ షాక్
