ట్రక్కు ఢీకొని ప్రాణాలు కోల్పోయిన గజరాజులు

ఒడిశా కేందుజర్​ జిల్లా... బలిజోడి గ్రామంలో కంటైనర్ ఢీకొని 3 ఏనుగులు మృత్యువాత పడ్డాయి. అనంతరం.. ఆ వాహనమూ అదుపుతప్పి పడిపోయింది. డ్రైవర్​ పరారయ్యాడు. ఈ ఘటనపై అటవీ అధికారులు దర్యాప్తు చేస్తున్నారు.

ఒడిశా ఘటాగాంవ్​ అటవీ ప్రాంతం పరిధిలోని బలిజోడిలో జాతీయ రహదారిపై ఘోరప్రమాదం జరిగింది. అప్పుడే రోడ్డు దాటుతున్న ఏనుగుల గుంపును అతివేగంగా వచ్చిన లారీ ఢీకొట్టింది. బుధవారం రాత్రి జరిగిన ఈ ఘటనలో మూడు గజరాజులు మృత్యువాత పడ్డాయి.

ఏనుగులను ఢీకొట్టిన తర్వాత.. వాహనం అదుపు తప్పింది. ప్రమాదం జరిగిన వెంటనే డ్రైవర్​ పారిపోయాడు. కానీ.. అతని సహాయకుడ్ని అదుపులోకి తీసుకున్నారు. సమాచారం అందుకున్న అటవీ అధికారులు.. ఘటనాస్థలానికి చేరుకొని దర్యాప్తు చేస్తున్నారు.