సరిహద్దులో పాక్ కాల్పులు​.. ఇద్దరు పౌరుల మృతి

జమ్ముకశ్మీర్​ పూంచ్​ జిల్లాలో.. పాక్​ సైన్యం మరోమారు కాల్పులకు తెగించింది. ఈ ఘటనలో ఇద్దరు స్థానికులు ప్రాణాలు కోల్పోయారు. మరో ఏడుగురికి తీవ్ర గాయాలైనట్లు అధికారులు తెలిపారు.

పాకిస్థాన్​ మరోసారి కాల్పుల విరమణ ఒప్పందానికి తూట్లు పొడిచింది. జమ్ముకశ్మీర్​ పూంచ్ జిల్లాలో నియంత్రణ రేఖ వెంబడి గ్రామాలు, సైనిక స్థావరాలే లక్ష్యంగా కాల్పులకు తెగించింది పాక్​ సైన్యం. ఈ ఘటనలో ఇద్దరు స్థానికులు ప్రాణాలు కోల్పోయారు. మృతుల్లో ఓ మహిళ ఉన్నట్లు సమాచారం. మరో ఏడుగురు తీవ్రంగా గాయపడ్డారు.

షాపుర్​, కిర్ణీ ప్రాంతాల్లో పాక్​ సైనికులు కాల్పులు జరిపారని.. వాటిని దీటుగా తిప్పికొట్టినట్లు అధికారులు తెలిపారు.