సుమారు 1 బిలియన్ డాలర్లు(సుమారు 7వేల కోట్ల రూపాయలు) విలువచేసే నావికా తుపాకులను భారత్కు విక్రయించడానికి నిర్ణయించింది అమెరికా. ఈ మేరకు అగ్రరాజ్య కాంగ్రెస్కు తన నిర్ణయాన్ని వెల్లడించింది డొనాల్డ్ ట్రంప్ సర్కార్.
ఈ ఆయుధాల వల్ల భారత నావికాదళం మరింత బలపడనుంది. శత్రువులకు చెందిన యుద్ధనౌకలు, విమానాలతో పోరాడటానికి నావికా తుపాకులను ఉపయోగించవచ్చు. వీటితో దేశ భద్రత మరింత మెరుగుపడుతుంది.
ప్రతిపాదిత 13 ఎమ్కే-45 5ఇంచ్/62 కాలిబర్(ఎమ్ఓడీ 4) నావికా తుపాకులు, వాటి సంబంధిత పరికరాల వ్యయం దాదాపు 1.02 బిలియన్ డాలర్లని అగ్రరాజ్య రక్షణ సహకార సంస్థ తెలిపింది.
ఇప్పటివరకు ఆస్ట్రేలియా, జపాన్, దక్షిణ కొరియాకు మాత్రమే ఎమ్ఓడీ 4ను విక్రయించింది అమెరికా. తాజాగా ఈ జాబితాలోకి భారత్ చేరింది. మరిన్ని మిత్ర దేశాలకు ఈ నావికా తుపాకులను అమ్మడానికి అగ్రరాజ్యం సిద్ధంగా ఉంది.
ఇదీ చూడండి:- 'వాయుసేన అమ్ములపొదిలో మూడు రఫేల్ విమానాలు'
