కొద్ది రోజుల క్రితం వెలుగుచూసిన టెలివిజన్ రేటింగ్స్ పాయింట్స్ (టీఆర్పీ) కుంభకోణంలో రిపబ్లిక్ టీవీ ముఖ్య కార్యనిర్వాహణ అధికారి(సీఈఓ) వికాస్ ఖంచందానిను ముంబయి పోలీసులు అరెస్ట్ చేశారు. సెలవు దినం రోజున ఏర్పాటు చేసే ప్రత్యేక న్యాయస్థానం ముందు హాజరుపరచనున్నట్లు అధికారులు తెలిపారు. సీఈఓ అరెస్ట్కు వ్యతిరేకంగా రిపబ్లిక్ టీవీ కోర్టును ఆశ్రయించే అవకాశం ఉంది.
రిపబ్లిక్ టీవీ పశ్చిమ విభాగం డిస్ట్రిబ్యూషన్‌ హెడ్‌ ఘన్‌శ్యామ్‌ సింగ్‌ను పోలీసులు గతనెలలోనే అదుపులోకి తీసుకోగా.. ఈ నెలారంభంలో ఆయనకు బెయిల్‌ లభించింది.
ఈ కేసును విచారిస్తున్న క్రైమ్ ఇంటెలిజెన్స్ యూనిట్ (సీఐయూ) ఇప్పటికే 12 మందిని అరెస్ట్ చేసి విచారిస్తోంది. టీఆర్‌పీల విషయంలో కొన్నిఛానళ్లు మోసాలకు పాల్పడుతున్నాయని బ్రాడ్కాస్ట్ ఆడియన్స్ రీసెర్చ్ కౌన్సిల్(బార్క్) ఇప్పటికే పలు మీడియా సంస్థలపై కేసులు నమోదు చేసింది. కొంతమందికి డబ్బులు ఇచ్చి.. తమ ఛానళ్లు చూసేలా చేస్తున్నాయని ఆరోపణలు ఉన్నాయి.
ఇదీ చూడండి: టీఆర్పీ కుంభకోణం: రంగంలోకి ఈడీ- కేసు నమోదు
