త్రిపుర కరోనా రహతంగా మారినట్లు ప్రకటించారు ముఖ్యమంత్రి విప్లవ్ కుమార్ దేవ్. రాష్ట్రంలోని ఇద్దరు బాధితులు కోలుకున్నట్లు వెల్లడించారు. తాజాగా రెండో బాధితుడికి నిర్వహించిన కరోనా పరీక్షల్లో నెగిటివ్గా వచ్చిన అనంతరం ట్వీట్ చేసిన దేవ్.. రాష్ట్రం కరోనా రహితంగా మారిందని పేర్కొన్నారు.
ప్రజలంతా తప్పనిసరిగా భౌతిక దూరం నిబంధనలు పాటించాలని, ఇంట్లోనే ఉండాలని ముఖ్యమంత్రి అభ్యర్థించారు.
'' అప్డేట్.. త్రిపురలోని రెండో కరోనా బాధితుడికి వరుస పరీక్షల్లో నెగిటివ్గా తేలింది. ఫలితంగా.. రాష్ట్రం కరోనా రహితంగా మారింది. ప్రభుత్వ మార్గదర్శకాలు పాటిస్తూ ప్రజలంతా ఇంట్లోనే ఉండండి. భౌతిక దూరం పాటించాలని మిమ్మల్ని అభ్యర్థిస్తున్నా.''
- విప్లవ్ కుమార్ దేవ్, త్రిపుర ముఖ్యమంత్రి.
త్రిపురలో మొదటి కరోనా కేసు ఏప్రిల్ 6న నమోదైంది. గువాహటి నుంచి వచ్చిన ఆ మహిళకు కరోనా సోకగా ఏప్రిల్ 16న కోలుకొని.. డిశ్చార్జి అయింది. అదే ఏప్రిల్ 16న రాష్ట్రంలోని ఓ జవానుకు కరోనా నిర్దరణ అయింది. ఇతనికి గురువారం నిర్వహించిన పరీక్షల్లో నెగిటివ్గా తేలింది. ప్రస్తుతం రాష్ట్రంలో ఎటువంటి కేసుల్లేవు. అయితే.. రెండో బాధితునికి మరోసారి కరోనా పరీక్షలు నిర్వహిస్తామని వెల్లడించారు అధికారులు.
రాష్ట్రంలో ప్రస్తుతం 111 మంది కరోనా అనుమానితులు ఉన్నారు. మరో 227 మందిని క్వారంటైన్లో ఉంచారు.
