మోదీపై ఈసీకి తృణమూల్​ కాంగ్రెస్ ఫిర్యాదు

తృణమూల్‌ కాంగ్రెస్‌ ఎమ్మెల్యేలు 40 మంది తనను సంప్రదిస్తున్నారని ప్రధాని నరేంద్ర మోదీ చేసిన వ్యాఖ్యలపై టీఎంసీ నేత డెరెక్‌ ఓబ్రెయిన్​ మండిపడ్డారు. మోదీ ఎమ్మెల్యేల కొనుగోళ్లకు పాల్పడుతున్నారని విమర్శించారు. ఈ విషయంపై ఎన్నికల సంఘానికి ఫిర్యాదు చేసినట్లు వెల్లడించారు.

తృణమూల్​ కాంగ్రెస్​ ఎమ్మెల్యేలు 40 మంది తనను సంప్రదిస్తున్నారని ప్రధాని నరేంద్ర మోదీ చేసిన వ్యాఖ్యలు తీవ్ర రాజకీయ దుమారం రేపాయి. సార్వత్రిక ఎన్నికల్లో భాజపా విజయం సాధిస్తే తృణమూల్​ కాంగ్రెస్​ పార్టీని రాష్ట్రంలో తుడిచిపెట్టేస్తామని మోదీ ఎన్నికల ప్రచారంలో వ్యాఖ్యానించారు.

ఈ వ్యాఖ్యలపై తృణమూల్​ కాంగ్రెస్​ దీటుగా స్పందించింది. ఆ పార్టీ నేత డెరెక్​ ఓబ్రెయిన్​ మోదీపై విమర్శలు గుప్పించారు. ఎన్నికల సంఘానికి ఫిర్యాదు చేసినట్లు ట్వీట్​ చేశారు.

డెరెక్​ ఓ బ్రీన్​ ట్వీట్

"మీ వెంట ఎవరూ రారు. తృణమూల్‌ ఎమ్మెల్యేలు కాదుకదా కనీసం మా పార్టీకి చెందిన ఒక్క కౌన్సిలర్‌ కూడా మీ వెంట రారు. మీకు కాలం చెల్లే రోజు దగ్గరలోనే ఉంది." - ట్విట్టర్​లో డెరెక్​ ఓబ్రెయిన్​

• ఇదీ చూడండి: మోదీ, రాహుల్​ వ్యాఖ్యలపై నేడు ఈసీ నిర్ణయం