దేశంలో కరోనా కేసుల సంఖ్య వెయ్యి దాటింది. మొత్తంగా 1024 మందికి వైరస్ సోకగా.. 27 మంది మరణించినట్లు స్పష్టం చేసింది కేంద్ర ఆరోగ్య శాఖ. 95 మంది కోలుకున్నారని.. ఒకరు దేశం విడిచివెళ్లడం వల్ల ప్రస్తుతం మరో 901 ఆక్టివ్ కేసులున్నాయని అధికారులు ప్రకటించారు.
మృతుల్లో మహారాష్ట్రలోనే అత్యధికంగా ఆరుగురు కొవిడ్-19 ధాటికి ప్రాణాలు విడిచారు. గుజరాత్లో ఐదుగురు, కర్ణాటకలో ముగ్గురు మరణించారు.
దిల్లీ, మధ్యప్రదేశ్, జమ్ము కశ్మీర్లలో ఇద్దరు చొప్పున, కేరళ, తమిళనాడు, బిహార్, తెలంగాణ, బంగాల్, పంజాబ్, హిమాచల్ ప్రదేశ్లు ఒక్కొక్క మరణాన్ని ధ్రువీకరించాయి. పంజాబ్లో ఆదివారం రాత్రి మరొకరు మరణించారని అక్కడి అధికారులు పేర్కొన్నారు.
కేసుల పరంగా మహారాష్ట్ర ముందుంది. రాష్ట్రంలో 186 మందికి వైరస్ సోకినట్లు తెలిపింది ఆరోగ్య శాఖ. కేరళలో 182, కర్ణాటకలో 76 మంది వైరస్ బారిన పడ్డారు.
తెలంగాణ 66, ఉత్తర్ప్రదేశ్ 65, గుజరాత్ 58 కేసులతో తర్వాతి స్థానాల్లో ఉన్నాయి.
