'రైతులను అవమానించి దేశభక్తులు కాలేరు'

కాంగ్రెస్ అధ్యక్షుడు రాహుల్​గాంధీ.. ఉత్తరప్రదేశ్ ప్రభుత్వంపై నిప్పులు చెరిగారు. రైతులకు బకాయిలు చెల్లించకుండా ప్రభుత్వం వేధిస్తోందని ఆరోపించారు. రైతులను అవమానించేవారు ఎన్నటికీ దేశభక్తులు కాలేరని భాజపాను ఉద్దేశించి వ్యాఖ్యానించారు.

దేశాన్ని పోషించే అన్నదాతలను అవమానించేవారు ఎప్పటికీ దేశభక్తులు కాలేరని కాంగ్రెస్ అధ్యక్షుడు రాహుల్​ గాంధీ అన్నారు. లోక్​సభ ఎన్నికల వేళ ఉత్తరప్రదేశ్​లోని అధికార భాజపా ప్రభుత్వంపై విరుచుకుపడ్డారు రాహుల్. రైతులకు సకాలంలో బకాయిలు చెల్లించకుండా ప్రభుత్వం నిర్లక్ష్యం చేసిందని దుయ్యబట్టారు.

"మీ (భాజపా) వైఫల్యాలు మీవే. వాటిని కప్పిపుచ్చుకోవడానికి రైతులను ఎందుకు శిక్షిస్తున్నారు. మన రైతులే మనకు జీవితాన్నిస్తున్నారు. వారిపై ఎలాంటి దురాగతాలకు పాల్పడినా అది దేశంపైన దురాగతానికి పాల్పడినట్లే అవుతుంది. రైతులను అవమానించేవారు ఎవరైనా, వారు ఎన్నటికీ దేశభక్తులు కాలేరు."
- ఫేస్​బుక్​ పోస్ట్​లో రాహుల్​గాంధీ

రైతులను అవమానించేవారు ఎన్నడూ దేశభక్తులు కాలేరు

ఉత్తర్​ప్రదేశ్​ చెరకు రైతులకు ప్రభుత్వం ఇప్పటి వరకు రూ.10,000 కోట్లకు పైగా బకాయిలు చెల్లించలేదన్న ఓ మీడియా నివేదికను రాహుల్​ తన ఫేస్​బుక్​ పోస్ట్​కు ట్యాగ్​ చేశారు. యూపీలో మొదటి విడత లోక్​సభ ఎన్నికల నేపథ్యంలో రాహుల్​ అధికార పక్షం వైఫల్యాలపై విమర్శల పర్వం కొనసాగిస్తూ ఉద్ధృతంగా ప్రచారం చేస్తున్నారు.

ఇదీ చూడండి :డైరీ ఉదంతంలో సుర్జేవాలాపై భాజపా ఫిర్యాదు

ఇదీ చూడండి :'అప్పుడు స్వతంత్రం- ఇప్పుడు ప్రజాస్వామ్యం'