అప్పుడు నెహ్రూ, రాజీవ్​... ఇప్పుడు మోదీ: రజనీ

ప్రధాని నరేంద్ర మోదీ దేశంలోనే అత్యంత ఆకర్షణీయమైన నేత అని నటుడు రజనీకాంత్ కొనియాడారు. రాహుల్ గాంధీ రాజీనామా యోచన మాని తనను తాను నిరూపించుకోవాలని... దేశంలో బలమైన ప్రతిపక్షం ఉండడం అవసరమని అభిప్రాయపడ్డారు.

ప్రధాని నరేంద్ర మోదీపై సూపర్​స్టార్​ రజనీకాంత్​ ప్రశంసల జల్లు కురిపించారు. జవహర్​లాల్ నెహ్రూ, రాజీవ్​గాంధీల తర్వాత దేశంలోనే అత్యంత ప్రజాకర్షణ శక్తి ఉన్న నేత నరేంద్రమోదీనేనని కొనియాడారు. ఈ నెల 30న జరిగే మోదీ ప్రమాణ స్వీకారోత్సవానికి హాజరవుతానని ఆయన స్పష్టం చేశారు.

బలమైన ప్రతిపక్షం అవసరం..

సార్వత్రిక ఎన్నికల్లో ఘోర పరాజయానికి బాధ్యత తీసుకుంటూ కాంగ్రెస్ అధ్యక్ష పదవికి రాజీనామా చేయడానికి సిద్ధ పడుతున్న రాహుల్​గాంధీ గురించీ రజనీ స్పందించారు. రాహుల్​ తనను తాను నిరూపించుకోవాలని అన్నారు. ప్రజాస్వామ్యంలో అధికార పక్షానికి సరిసమానంగా ప్రతిపక్షమూ బలంగా ఉండాలని అభిప్రాయపడ్డారు. తమిళనాడు అభివృద్ధిపై కేంద్రప్రభుత్వం ప్రత్యేక దృష్టి పెట్టాలని రజనీకాంత్​ కోరారు.

ఇదీ చూడండి: 'ఆహ్వానించకపోవటం పెద్ద అంశమేం కాదు'​