ఓ వ్యాపారవేత్తను ఆరు కిలోమీటర్లు ఫాలో అయి.. ఆయన వద్ద ఉన్న ఖరీదైన వాచ్, నగదు దోచుకున్నారు దుండగులు. కర్ణాటక బెంగళూరులో జరిగిందీ ఘటన.
కేరళకు చెందిన వ్యాపారవేత్త సమీల్ నగదు డిపాజిట్ చేయడానికి కల్యాణినగర్లోని ఐసీఐసీఐ బ్యాంకుకు వెళ్లారు. అయితే ఆ బ్యాంక్ తెరిచి లేకపోవడం వల్ల కొమ్మనహళ్లికి తిరిగి ప్రయాణమయ్యారు. మార్గం మధ్యలో మధ్యాహ్నం భోజనం కోసం ఓ ప్రాంతంలో కారు నిలిపారు సమీల్. అంతే వెనుకనే వచ్చిన దుండగులు కారు అద్దం పగలగొట్టి రూ. 6 లక్షల విలువైన రోలెక్స్ వాచ్, రూ.2.75 లక్షల నగదు, ఏటీఎం కార్డు, పాక్బుక్ ఎత్తుకెళ్లిపోయారు.
అయితే ఆరుగురు దుండగులు మూడు ద్విచక్రవాహనాలపై తనను అనుసరించారని... వారే ఈ పని చేసి ఉంటారని సమీల్ ఆరోపించారు. ఇందుకు సంబంధించిన దృశ్యాలన్నీ సీసీటీవీ కెమెరాల్లో రికార్డు అయ్యాయి. బాధితుడి ఫిర్యాదు మేరకు కేసు నమోదు చేసి, దర్యాప్తు చేస్తున్నారు పోలీసులు.
ఇదీ చూడండి: 14 మంది బలి- మృతుల్లో ఆరుగురు చిన్నారులు
