కేంద్రంపై విమర్శలతో విరుచుకుపడ్డారు బంగాల్ ముఖ్యమంత్రి, తృణమూల్ అధినేత్రి మమతా బెనర్జీ. రాష్ట్రాన్ని కేంద్రం నిర్లక్ష్యం చేస్తోందని ఆరోపించారు. ఇందుకు ప్రతిగా బంగాల్ ప్రజలు తగిన రీతిలో బుద్ధి చెబుతారని ధ్వజమొత్తారు. బయటి వ్యక్తులు తమ రాష్ట్రంపై అధికారం చెలాయించలేరంటూ పరోక్షంగా భాజపాపై విమర్శలు గుప్పించారు మమత.
" ఉత్తర్ప్రదేశ్లో ఏం జరుగుతోంది? పోలీసులకు ఫిర్యాదు చేయాలంటేనే అక్కడి ప్రజలు బెంబేలెత్తిపోతున్నారు. ఓ ఘటనలో పులువురు పోలీసులు హత్యకు గురయ్యారు.
బంగాల్ పట్ల కేంద్రం నిర్లక్ష్యంగా ఉంది. కొంతమందికి కనీస రాజకీయ అనుభవం లేదు. వారు ప్రజలను చంపడం, ఉద్రిక్తతలను పెంచడం గురించి మాట్లాడతారు."
-మమతా బెనర్జీ, బంగాల్ సీఎం.
