కరోనా: ఇరాన్​ నుంచి స్వదేశానికి 58 మంది

కరోనా భయాల నేపథ్యంలో.. ఇరాన్​లో చిక్కుకున్న భారత్​ యాత్రికులను కేంద్ర ప్రభుత్వం తీసుకొచ్చింది. మొదటి విడతలో 58మంది పౌరులతో కూడిన ప్రత్యేక విమానం భారత్​ చేరుకుంది.

ఇరాన్​లో చిక్కుకున్న భారతీయులను సురక్షితంగా తీసుకొచ్చింది కేంద్ర ప్రభుత్వం. తొలి విడతలో భాగంగా 58మంది పౌరులతో కూడిన ప్రత్యేక విమానం గాజియాబాద్​లోని హిండన్ ఎయిర్ ఫోర్స్ స్టేషన్​కు చేరుకుంది.

క్లిష్ట పరిస్థితుల్లో సమర్థంగా పనిచేసిన ఇరాన్​లోని భారత దౌత్యవేత్తలు, భారతీయ వైద్య బృందం, వైమానిక దళాన్ని అభినందించారు విదేశీ వ్యవహారాల శాఖ మంత్రి జై శంకర్​. సహకరించిన ఇరాన్ ప్రభుత్వానికి ధన్యవాదాలు తెలిపారు. అక్కడ చిక్కుకున్న మిగతా భారతీయులను కూడా తీసుకొచ్చేందుకు కృషి చేస్తున్నట్లు చెప్పారు.

కరోనా: ఇరాన్​ నుంచి స్వదేశానికి 58 మంది

ఇదీ చూడండి: మిషన్ మధ్యప్రదేశ్: నేడు భాజపా శాసనసభాపక్ష సమావేశం