కరోనా వైరస్ వ్యాప్తి నివారణకు లాక్డౌన్ మాత్రమే పరిష్కారం కాదని అభిప్రాయపడ్డారు కాంగ్రెస్ నేత రాహుల్ గాంధీ. లాక్డౌన్.. వైరస్ వ్యాప్తి తాత్కాలికంగా ఆలస్యం చేయగలదే తప్ప పూర్తిగా అరికట్టలేదన్నారు.
కరోనా సంక్షోభంపై వీడియో కాన్ఫరెన్స్ ద్వారా మీడియాతో మాట్లాడారు రాహుల్.
రాహుల్ గాంధీ, కాంగ్రెస్ నేత
"లాక్డౌన్ అనేది కేవలం తాత్కాలికం. ఇది ఎంతమాత్రం కరోనా నివారణకు పరిష్కారం కాదు. లాక్డౌన్ పూర్తయ్యాక వైరస్ మళ్లీ వేగంగా తన పనిచేయడం మొదలు పెడుతుంది. వైరస్పై పోరుకు అతిపెద్ద ఆయుధం టెస్టింగ్. దీనిద్వారా వైరస్ ఎక్కడకు ప్రయాణిస్తుందో తెలుస్తుంది. కనుక వైరస్పై పోరాటం చెయ్యాలంటే వైద్య పరీక్షలు గణనీయంగా పెంచాల్సిందే."
- రాహుల్ గాంధీ, కాంగ్రెస్ నేత
రాహుల్ ప్రెస్మీట్ హైలైట్స్:
- దేశంలో వ్యూహాత్మకంగా వైద్య పరీక్షలు జరగడంలేదు.
- కేరళలో జిల్లా స్థాయి వైద్య పరికరాలతో సమర్థంగా కట్టడి చేస్తున్నారు.
- కరోనా నిర్ధరణ పరీక్షలను ర్యాండమ్‌ పద్ధతిలో నిర్వహించాలి.
- కరోనాపై కలిసికట్టుగా పోరాటం చేయాల్సిన అవసరం ఉంది.
- లాక్డౌన్ ఎత్తివేస్తే మళ్లీ కరోనా కేసులు వచ్చే అవకాశం ఉంటుంది.
- దేశంలో పది లక్షల మందిలో 199 మందికే పరీక్షలు నిర్వహిస్తున్నారు. ఇది ఎంతమాత్రం సరిపోదు
- కరోనా భూతాన్ని ఓడించేందుకు అన్ని వనరులను ఉపయోగించుకోవాలి. రాష్ట్రాలకు అవసరమైన మేరకు సాయం అందించాలి.
- వలస కార్మికుల విషయంలో ప్రభుత్వం ఓ వ్యూహం ప్రకారం పనిచేయాల్సి ఉంది.
- కరోనా వల్ల కలిగే ఆర్థిక నష్టాన్ని ఎదుర్కొనేందుకు సరైన వ్యూహాలు రచించాలి.
ఇదీ చూడండి: పిజ్జా డెలివరీ బాయ్‌కు కరోనా- 72 కుటుంబాలు నిర్బంధం
