భారత్, నేపాల్ మధ్య మరోసారి ఉద్రిక్తతలు చెలరేగాయి. బిహార్ మోతీహరి వద్దనున్న ఝరోఖర్ ఖర్సల్వా సరిహద్దు వద్ద భారత్ లక్ష్యంగా గాలిలోకి కాల్పులు జరిపారు నేపాల్ సైనికులు. ఇరుదేశాల మధ్య నూతన చిత్రపటం రేపిన ఉద్రిక్తతల అనంతరం పరిస్థితులు సద్దుమణిగే దశలో.. నేపాల్ ఈ ఘాతుకానికి పాల్పడింది. అయితే ఈ ఘటనలో ఎలాంటి ప్రాణనష్టం జరగలేదని సమాచారం.
ఇదీ జరిగింది..
ఎరువుల అక్రమ రవాణాపై ఇరుదేశాల పౌరుల మధ్య వివాదం తలెత్తింది. అనంతరం సరిహద్దు దాటి వచ్చిన నేపాల్ సైనికులను భారత పౌరులు బంధించారు. ఈ నేపథ్యంలో గాలిలోకి కాల్పులు జరిపిన నేపాల్ సైన్యం.. ఓ భారతీయ పౌరుడిని అదుపులోకి తీసుకుంది. ఇరువర్గాల మధ్య చర్చల అనంతరం బందీలను మార్పిడి చేసుకున్నారు. అయితే గాలిలోకి కాల్పులు జరిపిన అనంతరం సరిహద్దుకు ఇరువైపులా ఉద్రిక్తతలు నెలకొన్నట్లు తెలుస్తోంది.
ఇదీ చూడండి: రాజ్భవన్లో 'రాజ'కీయం- అసెంబ్లీ సమావేశం కోసం ధర్నా
