తమిళనాడు-కేరళ సరిహద్దులోని పాలక్కడ్ జిల్లాలో అదొక గిరిజన గ్రామం. ఆన్లైన్ విద్యకు ప్రాధాన్యం ఏర్పడటం వల్ల.. అక్కడి విద్యార్థులకు సౌకర్యాలు అందుబాటులో లేవు. ఈ నేపథ్యంలో చిన్న వయసులోనే తన ఊరి పిల్లల భవిష్యత్తు గురించి ఆలోచించిన అనామిక.. తానే ఉపాధ్యాయురాలిగా మారింది. ఆ విద్యార్థిని తల్లిదండ్రులూ ఆమెకు అండగా నిలవడం వల్ల.. వాళ్ల ఇంట్లోని ఓ గదిని విద్యాలయంగా మార్చి అక్కడే పేద పిల్లలకు విద్యనందిస్తోంది.
త్రివేండ్రంలోని ఓ పాఠశాలలో ఎనిమిదో తరగతి చదువుతోంది అనామిక. జర్మన్, మలయాళం, తమిళం, ఇంగ్లీష్ భాషలను నేర్చుకుంటోంది. అయితే.. తన గ్రామ బాగోగులపై దృష్టి సారించిన ఈ బాలిక.. ఉదయం 9 గంటల నుంచి మధ్యాహ్నం 1 గంట వరకు పిల్లలకు పాఠాలు చెబుతోంది.
దినసరి కూలీగా పనిచేస్తున్న అనామిక తల్లిదండ్రులు.. తమ కూతురు ఇలా పాఠాలు బోధించడంపై హర్షం వ్యక్తం చేశారు. ఆన్లైన్ తరగతులకు అనామిక హాజరుకాలేకపోవడం తమకేం బాధ కల్పించలేదన్న వారు.. ఆమె వల్ల సుమారు 15 మంది ప్రయోజకులవడం సంతోషాన్నిస్తుందన్నారు.
ఇదీ చదవండి: రెండేళ్లకే అంకెలతో ఆడేసుకుంటున్న బుడతడు
