'పీఎం నరేంద్ర మోదీ'పై 8న విచారణ
సినిమా విడుదలలో జోక్యం చేసుకోలేమని ఇప్పటికే రెండు హైకోర్టులు పేర్కొన్నట్లు పిటిషనర్ తరఫు న్యాయవాది ఏఎమ్ సింఘ్వీ తెలిపారు. ఈ చిత్రం విడుదలతో రానున్న ఎన్నికలపై ప్రభావం పడుతుందని పేర్కొన్నారు.
వివేక్ ఒబెరాయ్ నటించిన ఈ సినిమాను ఏప్రిల్ 5న విడుదల చేస్తామని ప్రకటించారు. తాజాగా ఈ చిత్రం విడుదల కొన్ని రోజులు వాయిదా పడిందని తెలుస్తోంది.
మధ్యప్రదేశ్ హైకోర్టు కూడా 'పీఎం నరేంద్ర మోదీ' సినిమా విడుదలను వాయిదా వేయాలన్న పిటిషన్ను తిరస్కరించింది. ఇదే చిత్రంపై మరో పిటిషన్ను ముంబయి హైకోర్టు కొట్టివేసింది. ఈ విషయంలో ఎన్నికల సంఘం నిర్ణయం తీసుకుంటుందని పేర్కొంది.
