భారత్లో కొవిడ్ విలయతాండవం కొనసాగుతూనే ఉంది. ఆందోళనకర స్థాయిలో రోజురోజుకూ వేలసంఖ్యలో కేసులు పెరుగుతూనే ఉన్నాయి. మహారాష్ట్రలో కొత్తగా 13,165 మందికి వైరస్ సోకింది. ఫలితంగా మొత్తం బాధితుల సంఖ్య 6,28,642కు చేరింది. మరో 346 మంది మృతిచెందగా.. మరణాల సంఖ్య 21,033కు పెరిగింది.
ఇప్పటివరకు ఆ రాష్ట్రంలో 4,46,881 మంది వైరస్ను జయించి డిశ్చార్జి అయ్యారు. 1,60,413 మంది వివిధ ఆస్పత్రులలో చికిత్స పొందుతున్నట్లు రాష్ట్ర ఆరోగ్య శాఖ తెలిపింది.
- తమిళనాడులో 5 వేల 795 మందికి వైరస్ సోకింది. మొత్తం కేసులు 3 లక్షల 55 వేలు దాటాయి. మరో 116 మరణాలతో మొత్తం మృతుల సంఖ్య 6,123కు చేరింది.
- కర్ణాటకలో కొత్తగా 8 వేల 642 కరోనా కేసులు వెలుగుచూడగా.. మొత్తం బాధితుల సంఖ్య 2.5 లక్షలకు చేరువైంది. మరో 126 మంది మృతితో, చనిపోయిన వారిసంఖ్య 4 వేల 327కు పెరిగింది.
- కేరళలో బుధవారం.. 2వేల 333 కేసులు బయటపడ్డాయి. మరో ఏడుగురు మరణించారు. మొత్తం కేసులు 50 వేలు దాటగా.. మరణాలు 182కు చేరాయి.
- దిల్లీలో ఇవాళ 1398 కేసులు, 9 మరణాలు నమోదయ్యాయి. ఇప్పటివరకు దేశరాజధానిలో లక్షా 56 వేల 139 మంది కరోనా బారినపడ్డారు. మరో 4 వేల 235 మంది కొవిడ్కు బలయ్యారు.
ఇదీ చదవండి: అమెరికా నుంచి భారత్కు మరో 100 వెంటిలేటర్లు
