ప్రధాని సహా మంత్రుల కోసం ప్రత్యేక మోదీ రాఖీలు!

బృందావన్​లోని ఓ ఆశ్రమంలో ఉండే మహిళలు మోదీ కోసం ప్రత్యేక రాఖీలు తయారు చేసి అభిమానాన్ని చాటుకున్నారు. గురువారం దిల్లీలో ఆ రాఖీలను ప్రధాని సహా మంత్రులందరికీ కట్టనున్నారు.

ఉత్తర్​ప్రదేశ్ మథురాలోని బృందావన్​లో శారదా మాత ఆశ్రమంలో మహిళలు... మోదీపై అభిమానాన్ని చాటుకునేందుకు రక్షాబంధన్​ను ఎంచుకున్నారు. కొద్ది రోజులుగా మోదీ ఫొటోలు ఉపయోగించి రంగురంగుల రాఖీలు తయారు చేస్తున్నారు. ఇప్పటివరకు ఇలా 500 రాఖీలు సిద్ధమయ్యాయి.

శారదా మాత ఆశ్రమంలో ఉండే మహిళలు... భర్తను పోగొట్టుకుని, బంధువుల ఆదరణ కరవైనవారే. ఏటా రక్షా బంధన్​ పండుగ రోజు ప్రధాని నరేంద్ర మోదీని స్వయంగా కలిసి శుభాకాంక్షలు చెబుతారు.

"ఈ రాఖీలు మోదీకి బహూకరించేందుకు తయారు చేశాం. ఈ మాతలు అమిత్​ షా సహా మంత్రిమండలిలో ఉన్న ప్రతి ఒక్కరికీ రాఖీలు కడతారు. ఈసారి ఆశ్రమం నుంచి ముగ్గురు మహిళలు మోదీకి రాఖీ కట్టేందుకు దిల్లీ వెళ్తున్నారు."
-దీపికా చౌదరి, ఆశ్రమ సిబ్బంది
ఇదీ చూడండి: టక్కరి ప్రియురాలు.. ఖైదీ కోసం మారువేషంలో జైలుకు!