కర్ణాటక మైసూర్కు చెందిన రశ్మీ, నవీన్లు నవంబర్ 2న వివాహం చేసుకోబోతున్నారు. వీరి పెళ్లికి ఓ ప్రత్యేకత ఉంది. కరోనా కష్టకాలంలో ప్రాణాలను ఫణంగా పెట్టి సేవలందించిన 108 మంది కరోనా వారియర్స్.. ఈ వేడుకలో ముఖ్య అతిథులుగా కనువిందు చేయనున్నారు.
అతిథులు వీరే...
స్థానికంగా ఉండే పారిశుధ్య కార్మికులు, అంగన్వాడీ సిబ్బంది, ఆశా వర్కర్లు, వైద్య సిబ్బంది, పోలీసులు, పాత్రికేయులు, తపాలా సిబ్బందిని పెళ్లికి ఆహ్వానించారు.
"కొవిడ్పై పోరులో ముందుండి నడిచిన యోధులు దేవుళ్లతో సమానం. వారు ఆశీర్వదిస్తే.. భగవంతుడు ఆశీర్వదించినట్లే. వాళ్లు అందించే శుభాకాంక్షల కన్నా మరేవి నాకు అంత సంతృప్తిని ఇవ్వవు. వారంతా మాకు బంధువులు, పెళ్లి పెద్దలు కూడా. వారిని పిలిచి గౌరవించడం చాలా ఆనందంగా ఉంది".
-రశ్మీ ,పెళ్లి కూతురు
