సోనియా ఆస్తుల విలువ పెరిగింది!

తన వ్యక్తిగత ఆస్తుల విలువ రూ.11.82 కోట్లుగా పేర్కొన్నారు యూపీఏ ఛైర్​పర్సన్​ సోనియా గాంధీ. ఎన్నికల సంఘానికి సమర్పించిన నామ పత్రాలతోపాటు ఇచ్చిన అఫిడవిట్​లో ఆస్తులు ప్రకటించారామె. 2014లో రూ.9.28 కోట్లుగా ఉన్న ఆస్తుల విలువ ఐదేళ్లలో రూ.11.82 కోట్లకు చేరింది. రాహుల్​కు రూ.5లక్షలు అప్పుగా ఇచ్చినట్లు అఫిడవిట్​లో పేర్కొన్నారు సోనియా.

యూపీఏ ఛైర్​పర్సన్ సోనియా గాంధీ వ్యక్తిగత ఆస్తుల విలువ 2014తో పోల్చితే రూ.2కోట్ల 54లక్షలు పెరిగింది. ప్రస్తుతం ఆమె ఆస్తుల విలువ రూ.11.82కోట్లుగా ఎన్నికల సంఘానికి నామపత్రంతోపాటు సమర్పించిన అఫిడవిట్​​లో తెలిపారు సోనియా. ఇందులో రూ.4.29కోట్లు విలువ చేసే చరాస్థులు ఉన్నాయి.

తన కుమారుడు, కాంగ్రెస్ అధ్యక్షుడు రాహుల్​ గాంధీకి రూ.5లక్షలు అప్పుగా ఇచ్చినట్లు ప్రమాణపత్రం​లో పేర్కొన్నారు సోనియా. రూ.60లక్షల నగదు, రూ.160.5లక్షల బ్యాంకు డిపాజిట్లు ఉన్నట్లు తెలిపారు. తనపై భాజపా ఎంపీ సుబ్రమణ్య స్వామి దాఖలు చేసిన క్రిమినల్ కేసు ఉందని నామపత్రంతో పాటు ఇచ్చిన అఫిడవిట్​లో పొందుపరిచారు సోనియా.

ఉత్తరప్రదేశ్ రాయ్​బరేలీ లోక్​సభ స్థానం నుంచి గురువారం నామపత్రం దాఖలు చేశారు సోనియా.

ఇదీ చూడండి: 'ఎవరు కావాలి.. హీరోనా? అవినీతిపరులా?'