అనుచరుడు సురేంద్ర సింగ్ పాడె మోసిన స్మృతి

ఉత్తరప్రదేశ్​ అమేఠీ ఎంపీ స్మృతీ ఇరానీ... దుండగుల చేతిలో హత్యకు గురైన తన అనుచరుడు సురేంద్రసింగ్ అంత్యక్రియలకు హాజరయ్యారు. అతని పాడె మోసి తన కార్యకర్త పట్ల ఉన్న అభిమానాన్ని చాటుకున్నారు.

ఉత్తరప్రదేశ్​ అమేఠీలో హత్యకు గురైన తన అనుచరుడు సురేంద్రసింగ్​ అంత్యక్రియలకు స్థానిక ఎంపీ, భాజపా నేత స్మృతి ఇరానీ హాజరయ్యారు. సురేంద్ర భౌతిక కాయానికి నివాళి అర్పించిన స్మృతి, అతని పాడె మోశారు.

అమేఠీ జిల్లా బరౌలియా గ్రామానికి చెందిన 50 ఏళ్ల సురేంద్ర సింగ్​ స్మృతి ఇరానీ అనుచరుడు. శనివారం రాత్రి ఆయనపై దుండగులు కాల్పులు జరిపారు. అప్రమత్తమైన కుటుంబ సభ్యులు అతనిని లఖ్​నవూలోని ఓ ఆసుపత్రికి తరలించారు. చికిత్స పొందుతూ సురేంద్రసింగ్​ మృతి చెందారు.

కాంగ్రెస్​ పనే..

అమేఠీలో స్మృతి ఇరానీ గెలుపును తట్టుకోలేక కాంగ్రెస్ కార్యకర్తలే ఈ హత్యకు పాల్పడ్డారని మృతుని కుటుంబ సభ్యులు ఆరోపిస్తున్నారు. కేసు నమోదు చేసిన పోలీసులు ఇప్పటికే పలువురు అనుమానితులను అదుపులోకి తీసుకున్నారు.

ఇదీ చూడండి: అమేఠీలో స్మృతి ఇరానీ మద్దతుదారు హత్య