అమర్నాథ్ యాత్రలో పాక్ సైన్యానికి చెందిన ల్యాండ్మైన్ కనిపించిందని లెఫ్టినెంట్ జనరల్ కేజేఎస్ ధిల్లాన్ తెలిపారు. నిఘా సమాచారాన్ని బట్టి చూస్తే అమర్నాథ్ యాత్రను పాక్ సైన్యం, వాళ్లు పోషిస్తున్న ఉగ్రవాదులు లక్ష్యంగా చేసుకున్నారని ధిల్లాన్ ఆరోపించారు.
"నియంత్రణ రేఖ వద్ద పరిస్థితి అదుపులో ఉంది. పాకిస్థాన్ నుంచి వచ్చే చొరబాట్లను సమర్థంగా అడ్డుకున్నాం. జులై 30న గోర్ సెక్టార్లో పాకిస్థాన్ నిబంధనలను ఉల్లంఘించి కాల్పులు జరిపింది. అంతిమంగా ఉగ్రవాదులపై విజయమే మా లక్ష్యం. ముఖ్యంగా జైషే మహ్మద్, లష్కరే తొయిబా, హిజ్బుల్ ముజాహిదీన్ ఉగ్రసంస్థలపై. వీటన్నింటినీ చూస్తే కశ్మీర్ లోయలో శాంతికి విఘాతం కలిగించేందుకే పాక్ సైన్యం ప్రయత్నిస్తోందని అనిపిస్తుంది. మూణ్నాలుగు రోజుల నుంచి నిఘా సమాచారాన్ని గమనిస్తున్నాం. ప్రస్తుతం జరుగుతున్న అమర్నాథ్ యాత్రను వాళ్లు లక్ష్యంగా చేసుకున్నట్లు తెలుస్తోంది. మేం అప్రమత్తంగా ఉన్నాం. అన్ని దారుల్లో పూర్తి స్థాయిలో తనిఖీలు చేస్తున్నాం."
- కేజేఎస్ ధిల్లాన్, లెఫ్టినెంట్ జనరల్
యాత్రికులకు హెచ్చరిక
అమర్నాథ్ యాత్రికులకు జమ్ము కశ్మీర్ ప్రభుత్వం హెచ్చరికలు జారీ చేసింది. ఉగ్రవాద ముప్పు పొంచి ఉన్న కారణంగా వెనుదిరగాలని సూచించింది. ఆగస్టు 4 తేదీ వరకు వాతావరణం సహకరించని కారణంగా అమర్నాథ్ యాత్ర మార్గాన్ని మూసివేస్తున్నట్లు అధికారులు ప్రకటించారు.
ఇదీ చూడండి: ఉగ్రవాద వ్యతిరేక బిల్లుకు పార్లమెంట్ ఆమోదం
