'మెజారిటీలను అణచివేసేందుకే షహీన్​బాగ్​ నిరసనలు'

షహీన్​బాగ్​ నిరసనలపై కేంద్ర మంత్రి రవిశంకర్​ ప్రసాద్​ తీవ్రంగా విరుచుకుపడ్డారు. ప్రశాంతంగా జీవిస్తున్న మెజారిటీలను అణచివేసేందుకు జరిగే కుట్రకు ఇది ఉదాహరణని పేర్కొన్నారు. అక్కడి ఆందోళనలకు దేశాన్ని ముక్కలు చేయాలనుకుంటున్న ముఠాలే కారణమని ఆగ్రహం వ్యక్తం చేశారు.

దిల్లీ షహీన్​బాగ్​ నిరసనలపై కేంద్రమంత్రి రవి శంకర్​ ప్రసాద్​ మండిపడ్డారు. ప్రశాంతంగా జీవిస్తున్న మెజారిటీలను అణచివేసేందుకు కొందరు చేస్తున్న కుట్రగా ఈ నిరసనలను అభివర్ణించారు.

"షహీన్​బాగ్​ ఘటన ఎంతో విచారకరం. భారత జెండా, రాజ్యాంగం, భారతీయులను విభజించడానికి ప్రయత్నిస్తున్న వారు ఇక్కడ ఆశ్రయం పొందుతున్నారు. తుక్డే తుక్డే గ్యాంగ్​ వీరి వెనక ఉంటుంది. ప్రశాంతంగా నివసిస్తున్న మెజారిటీ ప్రజలను అణచివేయడానికి కొందరు ప్రయత్నిస్తున్నారు. శాంతియుతంగా ఉన్న మెజారిటీలను వందల మంది అణచివేసేందుకు జరిగే కుట్రకు ఉదాహరణగా షహీన్​బాగ్​ ఆవిర్భవిస్తోంది. వీరు సీఏఏకు విరోధులు కారు... వీరందరు ప్రధాని మోదీకి విరోధులు. ప్రశాంతంగా జీవిస్తున్న లక్షలాది మంది గళం మీకు ఎందుకు వినపడట్లేదు? వారి పిల్లలు పాఠశాలలకు వెళ్లలేకపోతున్నారు. ఉద్యోగాలు చేసుకోలేకపోతున్నారు. కనీసం అంబులెన్స్​కు కూడా దారిలేకుండాపోయింది."

- రవిశంకర్​ ప్రసాద్​, కేంద్రమంత్రి.

మహిళలే ఎక్కువ...

దిల్లీ షహీన్​బాగ్​లో గత కొద్ది రోజులుగా పౌర చట్టానికి వ్యతిరేకంగా పెద్ద ఎత్తున నిరసనలు జరుగుతున్నాయి. ఇందులో మహిళలే అధిక సంఖ్యలో పాల్గొనడం అందరి దృష్టిని ఆకర్షించింది. సీఏఏ వ్యతిరేక ఉద్యమానికి ప్రధాన కేంద్రమైంది షహీన్​బాగ్​.

ఇదీ చూడండి:- 54 అడుగుల జెండాతో 'పౌర చట్టం'పై నిరసన