పుణెలో ఘోర రోడ్డు ప్రమాదం.. ఏడుగురు మృతి

మహారాష్ట్రలోని పుణెలో ఘోర రోడ్డు ప్రమాదం జరిగింది. కారు వేగంగా వెళ్లి... చెట్టును ఢీ కొట్టింది. ఈ ఘటనలో ఏడుగురు మరణించారు. మరొకరికి గాయాలయ్యాయి. అతివేగమే ప్రమాదానికి కారణం. మృతులంతా ఒకే కుటుంబానికి చెందినవారిగా భావిస్తున్నారు పోలీసులు.

పుణెలో ఘోర రోడ్డు ప్రమాదం జరిగింది. అతివేగంగా వచ్చిన కారు.. చెట్టును ఢీకొని ఏడుగురు మరణించారు. మరొకరు గాయపడ్డారు. మహారాష్ట్రలోని ముంబయి- బెంగళూరు జాతీయ రహదారిపై సతార నగర సమీపంలో ఈ ఘటన చోటు చేసుకుంది.

కర్ణాటక ధార్వాడ్​ నుంచి పుణె విమానాశ్రయం వైపు వెళ్తుండగా ప్రమాదం జరిగింది. బుధవారం అర్ధరాత్రి 12 గంటల 45 నిమిషాల సమయంలో కారు అదుపు తప్పి చెట్టును ఢీ కొట్టినట్టు పోలీసులు తెలిపారు. చనిపోయిన వారంతా ఒకే కుటుంబానికి చెందిన వారుగా భావిస్తున్నారు.