ఇటీవల వెలుగు చూసిన టెలివిజన్ రేటింగ్స్ పాయింట్స్(టీఆర్పీ) కుంభకోణంలో రిపబ్లిక్ టీవీ డిస్ట్రిబ్యూషన్ హెడ్ ఘనశ్యామ్ సింగ్ను ముంబయి క్రైం బ్రాంచ్ పోలీసులు అరెస్టు చేశారు. ఈ కేసును విచారిస్తున్న క్రైమ్‌ ఇంటెలిజెన్స్‌ యూనిట్‌ (సీఐయూ) ఇప్పటివరకు 11 మందిని అదుపులోకి తీసుకొని విచారణ చేపట్టగా... తాజా అరెస్టుతో ఆ సంఖ్య 12కు చేరింది. ఘనశ్యామ్ను సీఐయూ పలు దఫాలుగా విచారించిందని అధికారులు వెల్లడించారు.
టీఆర్‌పీల విషయంలో కొన్నిఛానళ్లు మోసాలకు పాల్పడుతున్నాయని బ్రాడ్కాస్ట్ ఆడియన్స్ రీసెర్చ్ కౌన్సిల్(బార్క్) ఇప్పటికే పలు మీడియా సంస్థలపై కేసులు నమోదు చేసింది. కొంతమందికి డబ్బులు ఇచ్చి... తమ ఛానళ్లు చూసేలా చేస్తున్నాయని ఆరోపణలు ఉన్నాయి.
