భాజపా తీర్థం పుచ్చుకున్న జ్యోతిరాదిత్య సింధియా మార్చి 26న జరగనున్న రాజ్యసభ ఎన్నికలకు శుక్రవారం మధ్యాహ్నం నామినేషన్ పత్రాలను దాఖలు చేయనున్నారు. ఈ విషయాన్ని మధ్యప్రదేశ్ భాజపా మీడియా సెల్ ఇన్ఛార్జ్ లోకేంద్ర పరాషర్ తెలిపారు.
సింధియా కాంగ్రెస్ను వీడి బుధవారం పార్టీ అధ్యక్షుడు జేపీ నడ్డా ఆధ్వర్యంలో భాజపాలో చేరారు. ప్రస్తుతం మధ్యప్రదేశ్లో 3 రాజ్యసభ స్థానాలు ఖాళీగా ఉన్నాయి. వీటిలో ఒకటి కాంగ్రెస్కు, రెండు భాజపాకు ఉంటాయి. వీటిలో ఒక సీటును సింధియాకు కేటాయిస్తున్నట్లు భాజపా ప్రకటించింది.
నామినేషన్
సింధియా ఇవాళ మధ్యాహ్నం 3 గంటలకు భోపాల్ చేరుకుంటారు. కాంగ్రెస్ను వీడిన తరువాత రాష్ట్ర రాజధానికి సింధియా రానుండడం ఇదే మొదటిసారి.
'శుక్రవారం నాడు దివంగత భాజపా నేతలు దీన్దయాల్ ఉపాధ్యాయ, రాజమాత సింధియాల విగ్రహాలకు పూలమాలలు వేస్తారు. అనంతరం రాజ్యసభ నామినేషన్ పత్రాలు దాఖలు చేస్తారని' లోకేంద్ర తెలిపారు.
ఇదీ చూడండి: దేశంలో పెరుగుతున్న కరోనా పాజిటివ్ కేసులు
