358 ఇనుప గనుల తవ్వకాలపై అనుమతులను రద్దు చేయాలని కోరుతూ సుప్రీం కోర్టులో పిటిషన్ దాఖలైంది. జస్టిస్ ఎస్ఏ బోబ్డే, జస్టిస్ ఎస్ఏ నజీర్ నేతృత్వంలోని ధర్మాసనం గనుల తవ్వకాలపై స్పందించాలని కేంద్ర ప్రభుత్వానికి నోటీసులు జారీ చేసింది. ఎఫ్ఐఆర్ నమోదు చేసి, దర్యాప్తు చేయాలని సీబీఐని ఆదేశించింది.
సరైన విధానాలు పాటించకుండా గనుల తవ్వకాలకు ఉచితంగా అనుమతులిచ్చారని పిటిషన్లో పేర్కొన్నారు. వేలంపాట నిర్వహించలేదని, నాయకులు భారీగా విరాళాలు తీసుకున్నారని ఆరోపించారు. ఈ చర్యల వల్ల ప్రభుత్వ ఖజానాకు రూ.4 లక్షల కోట్లు నష్టం వాటిల్లిందని వెల్లడించారు.
వెంటనే అనుమతులను రద్దు చేసి, నష్టాన్ని ప్రస్తుత మార్కెట్ విలువతో లెక్కించి తిరిగి కట్టించాలని కోరారు. ఈ విషయంపై కేంద్ర ప్రభుత్వం స్పందించాలని సర్వోన్నత న్యాయస్థానం ఆదేశించింది.
ఇదీ చూడండి: డీఎంకే నేత కనిమొళి నివాసంపై ఐటీ దాడులు
