భారత మాజీ ప్రధాన న్యాయమూర్తి జస్టిస్ రంజన్ గొగొయి.. సీజేఐగా తన అధికారాన్ని దుర్వినియోగం చేశారంటూ దాఖలైన పిటిషన్ను సుప్రీంకోర్టు శుక్రవారం తిరస్కరించింది.
2018లో దాఖలైన ఈ వ్యాజ్యాన్ని.. జస్టిస్ అరుణ్ మిశ్రా నేతృత్వంలోని ధర్మాసనం పరిశీలించింది. 'జస్టిస్ గొగొయి ప్రధాన న్యాయమూర్తిగా పదవీ విరమణ చేశారు. ఆయన ఇప్పటికే తన కార్యాలయాన్ని కూడా ఖాళీ చేశారు. ఈ పిటిషన్ రెండేళ్లుగా మా దృష్టికి రాలేదు కాబట్టి, అప్పుడు దాఖలైన ఈ పిటిషన్ ఇప్పుడు చెల్లదని' ధర్మాసనం అభిప్రాయపడింది.
ప్రస్తుతం జస్టిస్ రంజన్ గొగొయి రాజ్యసభ సభ్యుడిగా ఉన్నారు. దశాబ్దాలుగా పెండింగ్‌లో ఉన్న అయోధ్య భూ వివాదంపై జస్టిస్ గొగొయి నేతృత్వంలోని సుప్రీంకోర్టు ధర్మాసనం చరిత్రాత్మక తీర్పునిచ్చింది.
ఇదీ చదవండి: 'సుప్రీం' మాజీ సీజేఐ రంజన్ గొగొయికి రాజ్యసభ సభ్యత్వం
