కరోనా దెబ్బకి మార్కెట్లో మాస్కులన్నీ మాయమయ్యాయి. ఎక్కడో ఓ చోట దొరికినా.. వందలు వెచ్చించి కొనుక్కోలేకపోతున్నారు సామాన్య జనం. అయితే కేరళలో ఈ మాస్కుల సంక్షోభాన్ని జయించేందుకు తనవంతు సాయం చేస్తోంది టైలర్ షనీఫా. ఒక్కసారి వాడి పడేసే మాస్కులు కాకుండా.. ఉతుక్కొని తిరిగి వాడుకోగలిగే ముసుగులను తయారు చేస్తోంది.
కేరళలో కొట్టరక్కరకు చెందిన షనీఫా.. దేశీయ ఖాదీ వస్త్రంతోనే పలుమార్లు ఉపయోగించగలిగే మాస్కులను తయారు చేస్తోంది. ఇప్పటికే 500 మాస్కులు కుట్టి, స్థానిక ఆస్పత్రిలో ఉచితంగా అందజేసింది. షనీఫా.
షనీఫా ఆలోచనను కుటుంబ సభ్యులతో పాటు స్థానికులు కూడా అభినందిస్తున్నారు. డెమోక్రటిక్ యూత్ ఫెడరేషన్ ఆఫ్ ఇండియా అనే స్వచ్ఛంద సంస్థకు చెందిన కొందరు యువకులు.. షనీఫా కుట్టిన మాస్కులను బస్స్టాండ్, రైల్వే స్టేషన్ వంటి జన సమూహం అధికంగా ఉండే ప్రదేశాల్లో పంచిపెడుతున్నారు.
ఇదీ చదవండి:థర్మల్ స్కానింగ్ ఇలా కూడా చేయొచ్చా?
