మహారాష్ట్రలో కుప్పకూలిన భవనం

మహారాష్ట్రలోని భీవండిలో శుక్రవారం అర్ధరాత్రి ఓ నాలుగంతస్తుల భవనం కుప్పకూలింది. ఈ ఘటనలో ఇద్దరు ప్రాణాలు కోల్పోయారు. మరో ఐదుగురు తీవ్రంగా గాయపడ్డారు. క్షతగాత్రులను అసుపత్రికి తరలించారు.

భవనం కుప్పకూలిన సమాచారం అందుకున్న పోలీసులు, అగ్నిమాపక సిబ్బంది, ఎన్​డీఆర్​ఎఫ్​ బృందం.. వెంటనే ఘటనాస్థలానికి చేరుకుని సహాయక చర్యలు చేపట్టారు.

ఈ ఘటనలో మరణించిన వారి పంచనామా పూర్తి చేసి మృతదేహాలను సంబంధిత కుటుంబాలకు అప్పగించినట్టు పోలీసులు తెలిపారు. ఘటనపై దర్యాప్తు చేపట్టినట్టు పోలీసులు తెలిపారు.