'జాతీయ రైల్ ప్రణాళిక- 2030' ముసాయిదా నివేదికను ఇప్పటికే సిద్ధం చేశామని రైల్వే బోర్డు ఛైర్మన్ వినోద్ కుమార్ యాదవ్ తెలిపారు. దేశంలో రైల్ నెట్వర్క్ను విస్తరించే ఉద్దేశించిన ఈ ప్రణాళిక తుది నివేదికను ఈ ఏడాది డిసెంబర్లో విడుదల చేస్తామని స్పష్టం చేశారు.
"దేశంలోని వివిధ ప్రాంతాల్లో ట్రాఫిక్ ప్రొజెక్షన్ చేశాం. ప్రస్తుతం జరుగుతున్న, భవిష్యత్తులో చేపట్టాల్సిన ప్రాజెక్టులపై పరిశీలనలోకి తీసుకున్నాం. 2030లో అవసరాలను దృష్టిలో పెట్టుకుని రైల్వే నెట్వర్క్ను విస్తరించేందుుకు కృషి చేస్తున్నాం. ఇప్పటికే 2024 ఏడాదికి సంబంధించి బ్లూప్రింట్ సిద్ధం చేశాం. 2024 మార్చి వరకు అన్ని ప్రాజెక్టులకు అవసరమైన బడ్జెట్ను ఇప్పటికే నిర్ణయించాం."
- వినోద్ కుమార్ యాదవ్
2024 మార్చి వరకు చేపట్టే అన్ని ప్రాజెక్టుల వివరాలను పుస్తక రూపంలో అన్ని జోనల్ రైల్వేలకు 2 వారాల్లో అందజేస్తామని తెలిపారు వినోద్. రైల్వే ట్రాకుల రెట్టింపు, విద్యుద్ధీకరణ, ఫ్రైట్ కారిడార్లు, బొగ్గు రవాణాకు సంబంధించిన 51 ప్రాజెక్టుల వివరాలు ఇందులో ఉంటాయని స్పష్టం చేశారు.
సరుకు రవాణా ఆదాయం ఈ ఏడాది 11 శాతం పెరిగిందని వినోద్ తెలిపారు. రైతుల నిరసనల కారణంగా పంజాబ్లో నిలిపేసిన రైలు సేవలను పరిస్థితులు సద్దుమణిగాక పునరుద్ధరిస్తామని తెలిపారు.
ఇదీ చూడండి: మరో నెల రోజుల్లో రఫేల్ రెండో బ్యాచ్
