రామ జన్మభూమి ట్రస్ట్ అధ్యక్షుడు మహంత్ నృత్యగోపాల్ దాస్ ఆరోగ్యం మరింత క్షీణించింది. ఈ నేపథ్యంలో గోపాల్దాస్ను ఉత్తరప్రదేశ్లోని మేదాంత ఆసుపత్రిలో చేర్చారు.
ఆగస్టు 7న దాస్కు కొవిడ్ పాజిటివ్గా నిర్ధరణ అయింది. రామ మందిర భూమి పూజా కార్యక్రమానికి హాజరైన రెండు రోజులకే పాజిటివ్గా తేలింది.
గుండె, శ్వాసకోశ సమస్యలు రావడం వల్ల దాస్ ఆసుపత్రిలో చేరారని వైద్యులు వెల్లడించారు. అంతకుముందు అయోధ్య జిల్లా కలెక్టర్ డాక్టర్ అనూజ్ కుమార్.. గోపాల్దాస్ను పరామర్శించారు.
"కొవిడ్ నుంచి కోలుకున్నాక నృత్య గోపాల్ దాస్ ఆశ్రమంలోనే ఉంటున్నారు. కానీ, సోమవారం ఆయన ఆరోగ్యం మరింత క్షీణించింది. రక్తపోటు సమస్య కూడా ఏర్పడింది. దీంతో, ఆయన మేదాంత ఆసుపత్రిలో చేరారు. మరో రెండు రోజుల్లో ఆయన ఆసుపత్రి నుంచి డిశ్ఛార్జ్ అవుతారు."
-అనూజ్ కుమర్ జా, జిల్లా కలెక్టర్.
ఇదీ చదవండి:అర్ణబ్ గోస్వామికి హైకోర్టులో చుక్కెదురు
